ছাদ্দাম হুছেইন, ১৯ অক্টোৱৰঃ আগন্তুক উপ-নিৰ্বাচনৰ বাবে আজি পুৱাই মুখ্যমন্ত্ৰী হিমন্ত বিশ্ব শৰ্মাই গোসাঁগাঁৱত BJP, AGP আৰু UPPL ৰ মিত্ৰজোঁটৰ প্ৰাৰ্থী জিৰণ বসুমতাৰীৰ হৈ নিৰ্বাচনী প্ৰচাৰ চলায়। বিৰোধী কংগ্ৰেছ আৰু AIUDFক কঠোৰ ভাষাৰে সমালোচনা কৰি মুখ্যমন্ত্ৰী গৰাকীয়ে কয় যে আগন্তুক ৩০ অক্টোৱৰত গোসাঁইগাঁৱত বিজেপি মিত্ৰজোঁটৰ প্ৰাৰ্থীক ভোট দি জয়যুক্ত কৰক গোসাঁইগাঁৱলৈ উন্নয়নৰ গংগা নামি আহিব। লগতে কয় যে কংগ্ৰেছ, AIUDFক ভোট দিয়াতকৈ ৩০ অক্টোৱৰত পইতা ভাত খাই শুই থকাই ভাল হ’ব। মুখ্যমন্ত্ৰী গৰাকীৰ এই নিৰ্বাচনী প্ৰচাৰ অভিযানত উপস্থিত থাকে বি.টি.চি. প্ৰধান প্ৰমোদ বড়ো আৰু লগতে বহু বিশিষ্ট ব্যক্তি । ভোটাৰৰ মন জয় কৰিবলৈ মুখ্যমন্ত্ৰী গৰাকীয়ে যোৱাকালিৰে পৰাই গোসাঁইগাঁৱত বাহৰ পাতিছে আৰু বহুতো দল-সংগঠনৰ লগত আলোচনাত মিলিত হৈছে।