বুধবাৰে প্ৰাক্তন মুখ্যমন্ত্ৰী তথা বৰ্তমানৰ কেন্দ্ৰীয় চৰকাৰৰ আয়ুস মন্ত্ৰী সৰ্বানন্দ সোণোৱালে ৩০৮ কোটি টকাৰে কেইবাটাও গুৰুত্বপূৰ্ণ জলপথ আন্তঃগাঁথনি প্ৰকল্পৰ শুভাৰম্ভণি কৰে ৷ সোণোৱালে বগীবিলৰ টাৰ্মিনেল, ৬.৯ কোটি টকাৰ ব্যয়ৰে ত্ৰিপুৰাৰ সোণামুৰাৰ আভ্যন্তৰীণ জল পৰিবহন টাৰ্মিনেল আৰু ৬.৪০ কোটি টকাৰে নিৰ্মাণ হোৱা কৰিমগঞ্জ তথা বদৰপুৰৰ উন্নীত টাৰ্মিনেলৰ শুভাৰম্ভণি কৰে ৷ শুভাৰম্ভণি তথা আধাৰশিলা স্থাপন কৰা বগীবিল টাৰ্মিনেলৰ ব্যয় হৈছে ৫০ কোটি টকা ৷ ইয়াৰ উদ্দেশ্য হল পৰ্যাটন বৃদ্ধি, চাহ,পলিমাৰ, কয়লা সাৰৰ দৰে বাণিজ্য খণ্ডৰ অৰ্খনীতি শক্তিশালী কৰা ৷ ইয়াৰ জৰিয়তে সোণোৱালে যে-‘এই টাৰ্মিনেলে কাৰ্গ আৰু যাত্ৰীৰ সুচল চলাচলৰ বাবে সমগ্ৰ অঞ্চলটোত জল পৰিবহণ আন্তঃগাঁথনি শক্তিশালী কৰাত গুৰুত্বপূৰ্ণ ভূমিকা পালন কৰিব, যাৰ ফলত অৰ্থনৈতিক বিকাশ তথা বাণিজ্যৰ সম্পসাৰণৰ পথ প্ৰশস্ত হব’৷ ইয়াৰ লগতে সোণোৱালে ৭.৫ কোটি টকা ব্যয়ৰে ধুবুৰীত কাষ্টম আৰু ইমিগ্ৰেচন কাৰ্যালয় আৰু ভাৰতীয় আভ্যন্তৰীণ জলপথ প্ৰাধিকৰণৰ যোগীঘোপা টাৰ্মিনেলৰ চৌহদৰ দেৱালৰ আধাৰশিলা স্থাপন কৰে ৷ যাৰ মূল্য হৈছে ১৮ কোটি টকা ৷ লগতে ১২ কোটি ব্যয়ৰে বগীবিল টাৰ্মিনেল পাৰৰ সুৰক্ষাৰ বাবে আৰু জেটিৰ সম্পসাৰণৰ বাবে এটা প্ৰকল্প আৰম্ভ কৰিব বুলি ঘোষণা সোণোৱালৰ ৷ সোণোৱালে অনুষ্ঠানত ভাষণ দি কয় যে- প্ৰধানমন্ত্ৰী নৰেন্দ্ৰ মোডীৰ গতিশীল নেতৃত্বত আজি মুকলি কৰা প্ৰকল্পসমুহে আমাৰ সমৃদ্ধ নেটৱৰ্কক অধিক শক্তিশালী আৰু তুৰাম্বিত কৰিব ৷ ইয়াৰ উপৰিও যোগীঘোপা,তেজপুৰ, বিশ্বনাথঘাট, নিমাতী আৰু শদিয়াত মুঠ ৮.৪৫ কোটি টকা ব্যয়ৰে ৬ টা পৰ্যাটক জেটিও নিৰ্মাণ হ’ব আৰু ২০২৪ চনৰ আগষ্টত গুৱাহাটীত দুখনকৈ বৈদ্যুতিক কাটামাৰান মুকলি হ’ব বুলি ঘোষণা সৰ্বানন্দ সোণোৱালৰ । ইয়াৰ লগতে গুৱাহাটী প্ৰকল্প সন্দৰ্ভত বহুকেইটা প্ৰকল্পৰ নিৰ্মাণৰ ঘোষণা জল পৰিবহণ মন্ত্ৰী সৰ্বানন্দ সোণোৱালৰ ৷