আই পি এল প্ৰতিযোগিতাত আজি দুখন খেল অনুষ্ঠিত হ’ব। দিল্লীৰ অৰুণ জেটলী ষ্টেডিয়ামত বিয়লি ৩:৩০ বজাত হ’বলগীয়া প্ৰথমখন খেলত মুম্বাই ইণ্ডিয়ানছ দিল্লী কেপিটেলছৰ বিৰুদ্ধে অৱতীৰ্ণ হ’ব। আনহাতে, সন্ধিয়া ৭:৩০ বজাত লক্ষ্ণৌৰ একানা ষ্টেডিয়ামত হ’বলগীয়া খেলত লক্ষ্ণৌ ছূপাৰ জায়েন্টছ দলটোৱে ৰাজস্থান ৰয়েলছৰ মুখামুখি হ’ব।
ইপিনে, পাঞ্জাৱ কিংছে শুকুৰবাৰে নিশা কলকাতাৰ ইডেনগাৰ্ডেনছত অনুষ্ঠিত হোৱা প্ৰতিযাগিতাৰ এখন খেলত কলকাতা নাইটৰাইৰ্ডাছক ৮ উইকেটত পৰাস্ত কৰে। কলকাতাই ২০ অভাৰত ৬ টা উইকেট হেৰুৱাই সংগ্ৰহ কৰিছিল ২৬১ ৰাণ। পঞ্জাব কিংছে ২৬২ ৰাণৰ লক্ষ্য অনুসৰণ কৰি খেল আৰম্ভণি কৰে। প্ৰভসিমৰণ সিঙে ৫ টা ছিক্সাৰ আৰু ৪ টা বাউণ্ডেৰীৰ সহায়ত ২০ টা বলত ৫৪ ৰাণৰ ইনিংছ খেলে। জনী বেইৰষ্টোৱে ৯ টা ছিক্সাৰ আৰু ৮ টা বাউণ্ডেৰীৰ সহায়ত ৪৮ টা বলত ১০৮ ৰাণৰ অপৰাজিত ইনিংছ খেলি পঞ্জাব কিংছক জয় কৰায়। জনী বেইৰষ্টোক প্লেয়াৰ অব দ্যা মেচ হিচাপে ঘোষণা কৰা হয়।