গুৱাহাটী মহানগীৰ ফাঁচী বজাৰত ৱেল্ডিং গেছ চিলিণ্ডাৰ বিস্ফোৰণত এজন লোক নিহত হোৱাৰ লগতে ৮ জন লোক গুৰুত্বৰ ভাৱে আহত হৈছে । ইয়াৰে কেইজনমানৰ অৱস্থা সংকটজনক বুলি জানিব পৰা গৈছে। ঘটনাৰ লগে লগে অগ্নি নিৰ্বাপক বাহিনী উপস্থিত হৈ জুই নিৰ্বাপন কৰিবলৈ সক্ষম হয়। তাৰ সমান্তৰালকৈ ঘটনাস্থলীত আৰক্ষী উপস্থিত হৈ আৰম্ভ কৰে তদন্ত । এতিয়ালৈকে জানিব পৰা নাই ঘটনাৰ প্ৰকৃত কাৰণ । তদন্তৰ অন্ততহে জানিব পৰা যাব কেনেকৈ হ’ল চিলিণ্ডাৰ বিস্ফোৰণ ।
স্থানীয়লোকে জনোৱা অনুসৰি, বিস্ফোৰণৰ ফলত কঁপি উঠিছিল চাৰিওকাষ । বিস্ফোৰণটোৰ জোকাৰণি ইমানেই তীব্ৰতৰ আছিল যে শ্ৰমিকসকল দূৰত চিটিকি পৰিছিল । তাৰ পাছতে ঘটনাস্থলীত মুখ্যমন্তী গৰাকী উপস্থিত হৈ ঘটনাৰ সবিশেষ বুজ লয় । ইফালে মুখ্যমন্তী গৰাকীয়ে তদন্তৰ নিৰ্দেশ দিয়াৰ লগতে আহত শ্ৰমিক সকলক উন্নত চিকিসাৰ ব্যৱস্থা কৰিবলৈও নিৰ্দেশ দিয়ে।