হঠাত গুৰুতৰভাৱে আঘাতপ্ৰাপ্ত হৈ অসুস্থ হৈ পৰিল জুবিন গাৰ্গ ।যুৱপ্ৰজন্মৰ হাৰ্থ থ্ৰ’ব জনপ্ৰিয় কণ্ঠশিল্পীগৰাকীৰ এনেদৰে অসুস্থ হৈ পৰাত অনুৰাগীসকলৰ মনত যেন গভীৰ উদ্বেগ প্ৰকাশ কৰা পৰিলক্ষিত হৈছে ।ইতিমধ্যে বহু অনুৰাগীয়ে সামাজিক মাধ্যমত উপচাই পেলাইছে আশু আৰোগ্য কামনাৰে ।সেইদিনা আছিল সোমবাৰ । জনপ্ৰিয় কণ্ঠশিল্পীগৰাকী সংগীতানুষ্ঠান পৰিৱেশনৰ বাবে গৈছিল জোনাইলৈ । তাৰ পিছদিনা মংগলবাৰে কণ্ঠশিল্পীগৰাকী ৰাওনা হৈছিল ডিব্ৰুগড়লৈ ।ডিব্ৰুগড়ৰ মনোহাৰী নামৰ এখন ৰিজৰ্টত আশ্ৰয় লৈছিল কণ্ঠশিল্পীগৰাকীয়ে ।
পিছে হঠাত বাথৰুমতে পৰি গুৰুতৰভাৱে আঘাতপ্ৰাপ্ত হৈ পৰে হিয়াৰ আমঠু জুবিন গাৰ্গ । মূৰৰ পিছপিনে আঘাত পাই ৫ টাকৈ চিলাইয়ো পৰিছে কণ্ঠশিল্পীগৰাকীৰ মূৰত ।ইতিমধ্যে , সঞ্জীৱনী হাস্পতালত চিকিতসাধীন অৱস্থাত কণ্ঠশিল্পীগৰাকী ।তদুপৰি , কণ্ঠশিল্পীগৰাকীৰ স্বাস্থ্যক লৈ অনুৰাগীসকল উদ্ধিগ্ন হৈ পৰাৰ লগতে মুখ্যমন্ত্ৰী ড০ হিমন্ত বিশ্ব শৰ্মাও উদ্ধিগ্ন হৈ পৰা পৰিলক্ষিত হৈছে । ইতিমধ্যে তেওঁ কণ্ঠশিল্পীগৰাকীৰ স্বাস্থ্যৰ বুজ লৈ কয় যে , প্ৰয়োজন অনুসৰি কণ্ঠশিল্পীগৰাকীক উন্নত চিকিতসাৰ বাবে গুৱাহাটী অথবা বহিঃৰাজ্যলৈ লৈ যোৱাৰ বাবে ব্যৱস্থাৰ বাবে নিৰ্দেশ দিছে মুখ্যমন্ত্ৰীগৰাকীয়ে ।লগতে , জুবিন গাৰ্গৰ স্বাস্থ্য সমন্ধীয় সকলোখিনি চোৱাচিতাৰ বাবে স্বাস্থ্যমন্ত্ৰী কেশৱ মহন্তক নিৰ্দেশ দিয়ে মুখ্যমন্ত্ৰী ড০ হিমন্ত বিশ্ব শৰ্মাই ।