এতিয়াৰে পৰা দেখিবলৈ পোৱা নাযাব মাঘ বিহুৰ অন্যতম আকৰ্ষণ ম’হ যুঁজ-বুলবুলি চৰাই যুঁজ। গুৱাহাটী উচ্চ ন্যায়লয়ে ম’হযুঁজ-বুলবুলি চৰাই যুঁজ অনুষ্ঠিত কৰাত জাৰি কৰিছে নিষেধাজ্ঞা। ২০২৩ চনৰ ২৭ ডিচেম্বৰত অসম চৰকাৰে ম’হযুঁজ-বুলবুলি চৰাই যুঁজ অনুষ্ঠিত কৰাৰ বাবে অনুমতিপ্ৰদান কৰি জাৰি কৰা নিৰ্দেশনা আৰু এছ অ’ পি খাৰিজ কৰে গুৱাহাটী উচ্চ ন্যায়লয়ে। পিপল ফৰ দ্য এথিকেল ট্ৰিটমেন্ট অব এনিমেলছ (PETA) ইণ্ডিয়া নামৰ সংগঠনে দাখিল কৰা এখন লেখ আবেদনৰ শুনানি লৈ উচ্চ ন্যায়লে অসম চৰকাৰৰ এছ অ’পি খাৰিজ কৰাৰ লগে লগে মাঘ বিহুত ম’হযুঁজ-বুলবুলি চৰাইৰ যুঁজ অনুষ্ঠিত কৰাত অনিশ্বয়তাৰ সৃষ্টি হয়। উল্লেখযোগ্য যে অসম চৰকাৰৰ গৃহ আৰু ৰাজনৈতিক বিভাগে মাঘ বিহুৰ ম’হযুঁজ-বুলবুলি চৰাইৰ যুঁজ অনুষ্ঠিত কৰাৰ বাবে এছ অ পি জাৰি কৰিছিল। কিন্তু অসম চৰকাৰৰ এই এছ অ’ পিক প্ৰত্যাহ্বান জনাই পেটা সংগঠনটোক উচ্চ ন্যায়লয়ৰ দ্বাৰস্থ কৰে। এই সংগঠনটোৰ হৈ জেষ্ঠ অধিবক্তা দিগন্ত দাসে যুক্তি আগবঢ়াই কয় যে, ‘ম’হযুঁজ-বুলবুলি চৰাই যুঁজ অনুষ্ঠিত কৰাৰ বাবে অসম চৰকাৰে জাৰি কৰা এছ অ পি খনে জীৱ-জন্তুৰ বিৰুদ্ধে ত্ৰুৰতা প্ৰতিৰোধ আইন, ১৯৬০ৰ বিধি ব্যৱস্থা উলংঘা কৰিছে।‘
ন্যায়লয়ে অসম চৰকাৰৰ এছ অ পি খাৰিজ কৰাৰ লগতে জীৱ-জন্তুৰ বিৰুদ্ধে ত্ৰুৰতা প্ৰতিৰোধি আইনখনৰ বিধি-ব্যৱস্থাসমূহ যাতে সঠিকভৱে পালন কৰা হয় সেয়া নিশ্চিত কৰিবলৈ অসম চৰকাৰক নিৰ্দেশনা প্ৰদান কৰে।