আজি মুখ্যমন্ত্ৰী ড৹ হিমন্ত বিশ্ব শৰ্মাই গুৱাহাটীৰ ফটাশিল আমবাৰীস্থিত অসম পথ গৱেষণা আৰু কাৰিকৰী প্ৰতিষ্ঠানত লোক নিৰ্মাণ বিভাগৰ বিষয়াৰ সৈতে এক আলোচনাত মিলিত হয়। এই আলোচনাত কেইবাটাও বৃহৎ প্ৰকল্প সম্পৰ্কে বিশদভাৱে আলোচনা কৰে। লগতে আলোচনাচক্ৰত সংশ্লিষ্ট বিষয়াসকলক ২০২৬ চনৰ ভিতৰত এই প্ৰকল্পসমূহৰ কাম সম্পূৰ্ণ কৰিবলৈ নিৰ্দেশনাও প্ৰদান কৰে। উল্লেখ্য যে, মুখ্যমন্ত্ৰী ড৹ হিমন্ত বিশ্ব শৰ্মাই বিষয়াসকলৰ সৈতে আলোচনা কৰা প্ৰকল্পসমূহ হৈছে-
গুৱাহাটী-উত্তৰ গুৱাহাটী সংযোগী ব্ৰহ্মপুত্ৰ নদীৰ ওপৰত ২,৬০৮ কোটি টকা ব্যয়সাপেক্ষ নিৰ্মাণ হ’বলগীয়া প্ৰস্তাৱিত দলং।
ব্ৰহ্মপুত্ৰৰ ওপৰত পলাশবাৰী আৰু শুৱালকুছিৰ ওপৰত ৩,১৯৭ কোটি টকা ব্যয়সাপেক্ষ নিৰ্মাণ হ’বলগীয়া দলং।
অসস মালাৰ অধীনৰ প্ৰকল্প,প্ৰকল্পৰ খৰচ
খ) দ্বিতীয় পৰ্যায়ত ৩,৯৯৮ কোটি টকা
গ) তৃতীয় পৰ্যায়ত ৩,৮০০ কোটি (প্ৰায়)
ৰাজ্যিক সম্পদ প্ৰকল্পৰ ব্যয়ৰ বাহিৰেও কাৰ্যকৰীকৰণ বা অনুমোদন প্ৰক্ৰিয়াত থকা ২৫,০০০ কোটি টকাৰ প্ৰকল্প।
উল্লেখ কৰিবলগীয়া যে, বৈঠকত অসম চৰকাৰৰ বিশেষ আয়ুক্ত আৰু বিশেষ সচিব ৰাজেশ কেমপ্ৰাই, বিশেষ সচিবদ্বয় ক্ৰমে বিভূতি শইকীয়া, দিব্যজ্যোতি চহৰীয়া, লোক নিৰ্মাণ (পথ) বিভাগৰ মুখ্য অভিযন্তা সঞ্জীৱ শ্যাম, লোক নিৰ্মাণ (সীমান্ত) বিভাগৰ মুখ্য অভিযন্তা অলোক কুমাৰ দাস, মুখ্য অভিযন্তা (ই এ পি) পৱন তেৰাঙকে ধৰি অন্যান্যসকল উপস্থিত থাকে।