ডিজিটেল ডেস্কঃ ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে সংবাদ মাধ্যমৰ আগত বিস্ফোৰক মন্তব্য প্ৰদান কৰে সাংসদ গৌৰৱ গগৈয়ে।মুখ্যমন্ত্ৰীৰ বিৰুদ্ধে সাংসদ গৰাকীয়ে কয় যে হিমন্ত বিশ্ব শৰ্মাক দলৰ সকলোৱে সন্দেহ কৰে। তেওঁ কোন সময়ত বিজেপি এৰে ঠিক নাই।
কেন্দ্ৰত চৰকাৰ সলনি হলে মুখ্যমন্ত্ৰীয়ে দল সলাব বুলি সংবাদ মাধ্যমৰ আগত মন্তব্য কৰে সাংসদ গৌৰৱ গগৈয়ে। লগতে তেওঁ কয় যে বিজেপিত বিশ্বাসযোগ্যতাৰ প্ৰমাণ দিবলৈ সপ্তাহে সপ্তাহে ৰাহুল গান্ধীক সমালোচনা কৰে মুখ্যমন্ত্ৰী হিমন্ত বিশ্ব শৰ্মাই। ৰাহুল গান্ধীৰ নাম লৈ হিমন্ত বিশ্ব শৰ্মাৰ নাম প্ৰচাৰ হৈছে।এই ক্ষেত্ৰত হিমন্ত বিশ্ব শৰ্মাই ৰাহুল গান্ধীক ধন্যবাদ দিব লাগে বুলি মুখ্যমন্ত্ৰীক সমালোচনা কৰে সাংসদ গৌৰৱ গগৈয়ে।