চাকৰি নিয়মীয়াকৰনৰ দাবীৰে পুনৰ সৰৱ হৈ উঠিছে ৰাজ্যৰ ২,২৭০ গৰাকী কৰ্মৰত অনিয়মিত প্ৰাথমিক আৰু উচ্চ প্ৰাথমিক শিক্ষকসমাজ।৪৫দিনতে চাকৰি নিয়মীয়াকৰনৰ প্ৰতিশ্ৰুতি দি ড০ হিমন্ত বিশ্ব শৰ্মাই বিগত ৪৮ মাহে প্ৰতাৰনা কৰাৰ অভিযোগ উত্থাপনেৰে ক্ষুদ্ধ হৈ উঠিছে বঞ্চিত শিক্ষকসমাজ।শিক্ষা মন্ত্ৰী হৈ থকা অৱস্থাতে ড০ হিমন্ত বিশ্ব শৰ্মাই দিয়া প্ৰতিশ্ৰুতিবোৰ অতি শীঘ্ৰেই পূৰণ কৰিব লাগে বুলি দাবী উত্থাপন কৰিছে শিক্ষক সমাজে।অন্যথা চৰকাৰৰ বিৰুদ্ধে আন্দোলন কৰাৰ হুংকাৰ কৰ্মৰত অনিয়মিয়া প্ৰাথমিক আৰু উচ্চ প্ৰাথমিক শিক্ষকসমাজৰ।আনহাতে ১৯৯১ চনৰ পৰা ২০০১ ৰ ভিতৰত নিযুক্তিপ্ৰাপ্ত এইসকল শিক্ষকে চাকৰি নিয়মীয়াকৰনৰ পৰা বঞ্চিত হৈ আছে।বিষয়াৰ ভূলৰ বাবেই ২০২১ ত চাকৰি নিয়মীয়াকৰনৰ পৰাও বঞ্চিত হ’বলগীয়া হৈছিল শিক্ষকসমাজে।মাণ্ডলিক আয়ুক্তৰ ভূলৰ বাবেও তেওঁলোকে নিয়মাকৰনৰ পৰা বঞ্চিত হ’বলগীয়া হৈছিল শিক্ষকসমাজে।শিক্ষামন্ত্ৰী তথা বৰ্তমানৰ মুখ্যমন্ত্ৰী ড০ হিমন্ত বিশ্ব শৰ্মাক শিক্ষকসকলে সাক্ষাৎ কৰাত ৪৫ দিনৰ ভিতৰতে সমস্যা সমাধানৰ প্ৰতিশ্ৰুতি দিছিল।কিন্ত বৰ্তমান ৪৮ মাহ হবৰ হ’ল,প্ৰতিশ্ৰুতি পূৰণৰ দূৰৰে কথা শিক্ষকসকলক ড০ শৰ্মাই সাক্ষাৎতৰ প্ৰদানে কৰা নাই।গুৱাহাটীৰ চানমাৰিতস্থিত প্ৰাথমিক শিক্ষক সন্মিলনীৰ মূখ্য কাৰ্য্যালয় শিক্ষক ভৱনত একত্ৰিত হৈ বঞ্চিত শিক্ষকসকলে ১৭ ডিচেম্বৰত ব্যক্ত কৰে ক্ষোভ।সদৌ অসম কৰ্মৰত অনিয়মীয়া প্ৰাথমিক আৰু উচ্চ প্ৰাথমিক শিক্ষক সন্থাৰ উদ্যাগত অনুষ্ঠিত সভাত শিক্ষকসকলৰ অভাৱ-অভিযোগ সমস্যা সন্দৰ্ভত বিস্তৃতভাৱে আলোচনা কৰা হয়।ইয়াৰ লগতে শিক্ষকসকলৰ চাকৰি অনুতিপলমে নিয়মীয়াকৰনৰ ব্যৱস্থা কৰাৰ জৰিয়তে মুখ্যমন্ত্ৰীক প্ৰতিশ্ৰুতি পুৰণৰ আহ্বান জনায়।ইয়াৰ উপৰিও শিক্ষামন্ত্ৰী ড০ ৰণোজ পেগুৰ ব্যৱহাৰতো অসন্তষ্ট হৈ পৰিছে শিক্ষকসমাজ।মুখ্যমন্ত্ৰীলৈ দায়িত্ব ঠেলি দিয়া শিক্ষামন্ত্ৰীয়ে শিক্ষকসকলৰ চাকৰি নিয়মীয়াকৰন বিষয়টোত আওকান কৰে বুলিও ক্ষোভ উজাৰে সংগঠনটোৰ নেতৃত্বই।