প্ৰাঞ্জল ডেকা
গুৱাহাটী,২২জুলাই:আজি গুৰু পূৰ্ণিমা ।এই বিশেষ দিনটোৰ লগত সংগতি ৰাখিয়েই শ্ৰী সত্য সাই সেৱা সংগঠন,অসম-মেঘালয় আৰু অৰুণাচল প্ৰদেশৰ উদ্যোগত বিশেষ পদক্ষেপেৰে হাতত লৈছে সেৱা কাৰ্য ।আজি গুৰু পূৰ্ণিমাৰ দিনটোত বিতৰণৰ বাবে গুৱাহাটীৰ উজানবজাৰস্থিত সত্য সাই সাধনা নিলয়মত ১০০০ অমৃতকলসমৰ পেকেট প্ৰস্তুত কৰিছে সংগঠনটোৱে ।ইয়াৰে ৬৫০ টা পেকেট গুৱাহাটী চিকিৎসা মহাবিদ্যালয়ৰ ক’ভিদ ৱাৰ্ডত আৰু ৩৫০ টা পেকেট বি.বৰুৱা কৰ্কট প্ৰতিষ্ঠানৰ অন্তৰ্বিভাগৰ ৰোগীসকলক বিতৰণ কৰা হ’ব বুলি জানিবলৈ দিয়ে ।এই বিতৰণ কাৰ্যসূচীত ২৭ গৰাকী পুৰুষ আৰু ২০গৰাকী মহিলা সেৱাদলৰ কৰ্মীয়ে অংশগ্ৰহণ কৰে ।