অসম ৰাইফলছ আৰু ভাৰতীয় সেনাই মণিপুৰত চুৰাচান্দপুৰ জিলাৰ এখন গাঁৱত যৌথ অভিযান চলাই বুজন পৰিমাণৰ অস্ত্ৰৰ ভঁৰাল উদ্ধাৰ কৰে ৷ মণিপুৰত গোপন তথ্যৰ ভিত্তিত অভিযান চলাই নিৰাপত্তা বাহিনীয়ে গেলমোল গাঁৱৰ পৰা দেওবাৰে মাৰাণাস্ত্ৰ উদ্ধাৰ কৰে ৷ জানিব পৰা মতে অভিযানৰ সময়ত মেগাজিনবিহীন এটা এম ৪ এছল্ট, মেগাজিনসহ এটা ৯ এম এম পিষ্টল, এটা ষ্টেট মেচিনগান, মেগজিনযুক্ত এটা ০.২২ মিমি পিষ্টল, ইম্প্ৰভাইজড মৰ্টাৰসহ বহু পৰিমাণৰ গোলা-বাৰুদ জব্দ কৰা হয় ৷