নিউজ ডেস্কঃ ছিপাঝাৰত দৰঙী কলাকৃষ্টি উন্নয়ন সংঘই মুখ্যমন্ত্ৰী ড০ হিমন্ত বিশ্ব শৰ্মালৈ আগবঢ়ালে ‘প্ৰেৰণাশ্রী সন্মান’। সোমবাৰে দৰঙী কলাকৃষ্টি সংঘৰ কাৰ্যালয়ত অনুষ্ঠিত হোৱা সংবাদমেলত সংঘৰ সভাপতি কুলেন্দ্ৰনাথ ডেকা আৰু সম্পাদক নৱ কুমাৰ শইকীয়াই আনুষ্ঠানিকভাৱে এই কথাৰ ঘোষণা কৰে। কৰ্মসংস্কৃতি গঢ়ি তোলাৰ ক্ষেত্ৰত সাহস আৰু প্ৰেৰণাৰ প্ৰতীক স্বৰূপ হৈ পৰাৰ বাবেই মুখ্যমন্ত্ৰীলৈ এই সন্মান আগবঢ়ায় বুলি সংবাদমেলত উল্লেখ কৰে। লগতে গৱেষক ড০ নৱীন চন্দ্ৰ শৰ্মালৈও দৰঙী কলা কৃষ্টি সংঘই ‘ দৰং গৌৰৱ ‘ সন্মান আগবঢ়ায়।
উল্লেখ্য যে, মুখ্যমন্ত্ৰী ড০ হিমন্ত বিশ্ব শৰ্মালৈ এই সন্মান ৩০ অক্টোবৰত প্ৰদান কৰা হ’ব।