অনালি শৰ্মা
টকিঅ’ ৮ আগষ্ট : টকিঅ’ অলিম্পিকত ফটো সাংবাদিক হিচাপে উপস্থিত থকাৰ সুযোগ লাভ কৰে জ্যেষ্ঠ ফটো সাংবাদিক অসম কন্যা গীতিকা তালুকদাৰে । ২৩ জুলাইৰ পৰা আৰম্ভ হোৱা বিশ্বৰ বৃহৎ ক্ৰীড়া মহোৎসৱত উপস্থিত হৈ ভিন্ন আকৰ্ষণীয় দৃশ্য কেমেৰাৰ লেন্সত বন্দী কৰাৰ এই সুবিধা লাভ কৰা গীতিকাই উত্তৰ পূৰ্বাঞ্চলৰ প্ৰথমগৰাকী সাংবাদিক । উল্লেখযোগ্য যে ইয়াৰ পূৰ্বে গীতিকাই ২০১৮ ৰ ৰাছিয়া বিশ্বকাপ , ২০১৯ ৰ ফিফা মহিলা বিশ্বকাপ , ২০১৯ ৰ আই চি চি বিশ্বকাপ , আই এছ এল , ভাৰত-পাকিস্তানৰ আন্তঃৰাষ্ট্ৰীয় ক্ৰিকেট মেচ , কমনৱেলথ গেমছ , ছাউথ এছিয়ান গেমছ , ১৭ বছৰ অনুৰ্ধ্ব ফিফা বিশ্বকাপ আদিৰ দৰে বৃহৎ প্ৰতিযোগিতাৰ আয়োজনতো ফটো সাংবাদিক হিচাপে অংশ লৈছিল ।