দিঘলীপুখুৰীৰ পাৰত ২৫ জোপা গছ কটা কাৰ্যৰ বিৰোধিতাৰে ৰাইজৰ প্ৰতিবাদ

Share

‘গছ থাকিলেহে মানুহ থাকিব’।এই কথা জানিও ৰাজ্য়ত পুনৰ চলিছে প্ৰকৃতিৰ ধ্বংসযজ্ঞ।কাটি পেলোৱা হব দীঘলীপুখুৰী পাৰৰ পুৰণি গছ।উৰণ সেতুৰ নামত চৰকাৰে দিঘলীপুখুৰীৰ এই নিৰিবিলি পৰিৱেশ ধ্বংস কৰাৰ চেষ্টা চলোৱাৰ বাবে প্ৰতিবাদত নামি পৰিছে সকলো।উন্নয়নৰ নামত ধাৰাবাহিকভাৱে গছ কটা হৈছে গুৱাহাটী মহানগৰীত।এফালে অমৃত বৃক্ষ আন্দোলনৰ অধীনত কোটি কোটি  গছপুলি ৰোপন আনফালে প্ৰকৃতিৰ ধ্বংসযজ্ঞ পাতিছে চৰকাৰে।নাৰেংগীৰ পৰা ৰিজাৰ্ভ বেংকলৈ নিৰ্মাণ হ’বলগীয়া উৰণ সেতুৰ নামত কাটি পেলোৱা হ’ব দীঘলীপুখুৰীৰ পাৰৰ পুৰণি গছসমূহ। যাৰ বাবে আজি দীঘলীপুখুৰীৰ পাৰত গছ কটা কাৰ্যৰ বিৰোধিতাৰে সচেতন নাগৰিকৰ প্ৰতিবাদী কাৰ্যসূচী গঢ়ি উঠিছে।

দীঘলীপুখুৰীৰ পাৰৰ গছ কাটিবলৈ লোৱা সিদ্ধান্তৰ বিৰুদ্ধে গুৱাহাটীৰ অজস্ৰ নাগৰিক ৰাজপথত। দীঘলীপুখুৰীত ‘দীঘলীপুখুৰী বচাওক’ শীৰ্ষক প্ৰতিবাদী কাৰ্যসূচীৰে গছ কটাৰ সিদ্ধান্তৰ বিৰোধিতা একাংশ জ্যোষ্ঠ নাগৰিকৰ।সেতুৰ নামত দীঘলীপুখুৰীৰ গছ কাটিবলৈ নিদিয়ে বুলি হুংকাৰ দিছে ৰাইজে। এই গছবোৰ শ শ পক্ষীৰ আশ্ৰয়স্থল আৰু জিৰণি লোৱাৰ একমাত্ৰ স্থান। কাটিবলগীয়া গছবোৰত ইতিমধ্যে হালধীয়া চিহ্ন দিয়া হৈছে বিভাগীয় কৰ্তৃপক্ষৰ।সামাজিক মাধ্যমত গছ নাকাটিবলৈ একাংশই কৰিছে মুখ্যমন্ত্ৰীক কাতৰ আহ্বান।কিয়নো স্মৃতি বিজৰিত এই ২৫ জোপা পুৰণি গছ কটাৰ কথা গম পাই স্হানীয়ৰাইজৰ অন্তৰাত্মা কান্দি উঠিছে। স্থানীয় লোকসকলেও পুৱা-গধূলি খোজকঢ়া, ফুৰা-চকা আৰু জিৰণি লোৱাৰ বাবে এক উত্তম স্থান হিচাপে এই দীঘলীপুখুৰীপাৰটো পছন্দ কৰে।পৰ্যটকৰ বাবেও দীঘলীপুখুৰী এক আকর্ষণীয় ঠাই।ইয়াত ৰবীন্দ্ৰ ভৱন, অসম ৰাজ্যিক সংগ্ৰহালয়ৰ দৰে সাংস্কৃতিক কেন্দ্ৰও আছে।

উল্লেখ্য যে, দীঘলীপুখুৰীৰ পাৰত সুন্দৰকৈ চলি থকা সকলো দোকান সোমবাৰে উঠাই নিবলৈ চৰকাৰে দিছে এক নিৰ্দেশনা। GMCয়ে দীঘলীপুখুৰীৰ পাৰৰ দোকানসমূহ উঠাই নিবলৈ দিছিল এই নিৰ্দেশ। এই নিদেৰ্শনা পোৱাৰ পিছতে ক্ষুদ্র ব্যৱসায়ীসকলৰ মাজত হাহাকাৰ পৰিস্থিতিৰ সৃষ্টি হয়।কাৰণ বহু থলুৱা যুৱক-যুৱতীয়ে সেই স্থানতে দোকান দি স্বাৱলম্বীতাৰ পথ বাছি লৈছিল লগতে উপাৰ্জন কৰা ধনেৰে নিজৰ ঘৰ চলাই আহিছিল।

Leave a Reply

Your email address will not be published. Required fields are marked *