মৰ্মান্তিক, বেদনাদায়ক ! সামাজিক মাধ্যমত ভাইৰেল এটি ঘটনা ।এজন মানুহে তেওঁৰ পত্নী শুই থকা অৱস্থাতে পত্নীক জগাই মুম্বাইৰ ভাচাই ৰেল ষ্টেচনত চলন্ত আহি থকা ৰেলখনৰ সন্মুখত দলিয়াই দিছিল ।ঘটনা সংঘটিত হোৱাৰ ফলত ইতিমধ্যে মহিলাগৰাকীৰ মৃত্যু হৈছে । মৃত মহিলাগৰাকীৰ বয়স আছিল ৩০ বছৰ ।সমগ্ৰ ঘটনাটো বন্দী হৈছিল প্লেটফৰ্মত স্থাপন কৰা চিচিটিভিত। যেতিয়া আৰক্ষীয়ে ৰেলৰ খুন্দাত নিহত হোৱা মহিলাগৰাকীৰ খবৰ পাইছিল, তেতিয়াই চিচিটিভিত পৰীক্ষা কৰা হৈছিল ।য’ত অভিযুক্ত যুৱকজনে তেওঁৰ পত্নীক ৰেলৰ সন্মুখত দলিয়াই দিয়া দেখা গৈছে ।
এই লোমহৰ্ষক ঘটনাটো মহাৰাষ্ট্রৰ পালঘৰ জিলাৰ ভাচাই ৰেলষ্টেচনত সোমবাৰে পুৱা প্রায় ৪ বজাত সংঘটিত হৈছিল ।চিচিটিভিত বন্দী হোৱা ভিডিঅ’ অনুসৰি, প্লেটফৰ্মত ঘূৰি ফুৰা যুৱকজনে ৰেলখন ওচৰ চাপি অহা দেখি তেওঁ নিজৰ সন্তানৰ সৈতে শুই থকা পত্নীগৰাকীক জগায় আৰু ৰেলখন নিচেই ওচৰ আহি পোৱাৰ লগে লগে যুৱকজনে তেওঁৰ পত্নীক পেলাই দিয়ে ।ৰেলখনৰ তলত পৰি যোৱা বাবে মহিলাগৰাকীৰ মৃত্যু হয়। আৰক্ষীয়ে যুৱকজনক বিচাৰি থকাত অভিযুক্তই দুই সন্তান আৰু সামগ্ৰীসমূহ লৈ সেই ঠাইৰ পৰা পলায়ন কৰে ।