দেশৰ নিম্ন সদনত কেন্দ্ৰীয় আইন মন্ত্ৰী অৰ্জুন ৰাম মেঘৱালে উত্থাপন কৰে বহু চৰ্চিত বিধেয়ক এক দেশ , এক নিৰ্বাচন । লোকসভা আৰু বিভিন্ন ৰাজ্যৰ বিধানসভাৰ নিৰ্বাচন একেলগে অনুষ্ঠিত কৰাৰ উদ্দেশ্যেৰে সদনত উত্থাপন হয় এক দেশ , এক নিৰ্বাচন বিধেয়ক । শাসক পক্ষই এই বিধেয়কখৰ সপক্ষে যুক্তি আগবঢ়াই নিৰ্বাচনী ব্যয় হ্ৰাস কৰাৰ কৰা উল্লেখ কৰে । আনহাতে বিৰোধী পক্ষই এই বিধেয়কখনে যুক্তৰাষ্ট্ৰীয় ব্যৱস্থাত আঘাত হানিব বুলি যুক্তি আগবঢ়াই । কিন্তু বিধেয়কখনকলৈ বৰ্তমানেও অব্যাহত আছে বহু বাক-বিবাদ । বিৰোধী পক্ষৰ কেইবাজনো সাংসদে আপত্তি দৰ্শোৱাত বিধেয়কখনৰ ওপৰত পৰ্য্যালোচনা কৰিবলৈ একপ্ৰকাৰ সাজু কেন্দ্ৰীয় চৰকাৰ ।
লোকসভাত বিৰোধী দলৰ সাংসদ কংগ্ৰেছ নেতা মনীষ তিৱাৰীয়ে কয় – এক দেশ , এক নিৰ্বাচন সংবিধানৰ বুনিয়াদী পৰিকাঠামোৰ প্ৰতি প্ৰত্যাহ্বান । আনহাতে সাংসদ গৌৰৱ গগৈয়ে যুক্তি আগবঢ়াই – এক দেশ , এক নিৰ্বাচন সংবিধানৰ নীতি বিৰোধী । তাৰ সমান্তৰালভাৱে ডি.এম.কেৰ এলানগোভানৰ মতে – আঞ্চলিক দলক ক্ষমতাৰ পৰা আঁতৰোৱাৰ এক ষড়যন্ত্ৰ ।