নিউজ ডেস্ক, চতিয়াৰ কাচমাৰীৰ তিহাৰ সন্মিলনত বিধায়ক পদ্ম হাজৰিকাৰ অংশগ্ৰহণ। চতিয়াৰ কাচমাৰীত কাচমাৰী গাওঁ উন্নয়ন সমিতিৰ উদ্যোগত শুক্ৰবাৰে দিনযোৰা কাৰ্যসুচীৰে অনুষ্ঠিত কৰা হয় গোৰ্খা সম্প্ৰদায়সকলৰ উৎসৱ তিহাৰ সন্মিলন ৷ তিহাৰ সন্মিলনত মূখ্য অতিথি ৰূপে অংশ গ্ৰহন কৰি চতিয়া সমষ্টিৰ বিধায়ক পদ্ম হাজৰিকাই দেউছী-ভৈলী গীত পৰিবেশন কৰি সকলো উপস্থিত ৰাইজৰ মন আপ্লোত কৰিবলৈ সক্ষম হয় ৷ গোৰ্খা ৰাইজৰ অন্যতম জাতীয় উৎসৱ। এই তিহাৰ সন্মিলনত অংশলৈ বিধায়ক গৰাকীয়ে কয়- গোৰ্খা সকল অসমীয়া জাতিৰ অৱিচ্ছেদ্দ অংগ ৷ গোৰ্খা সকলক বাদ দি অসমীয়া জাতি কেতিয়াও পূৰ্নাংগ হব নোৱাৰে ৷ উক্ত অনুষ্ঠানত বিশ্বনাথৰ বিধায়ক প্ৰমোদ বৰঠাকুৰো উপস্থিত থাকে ।
উল্লেখ্য যে, এই তিহাৰ সন্মিলনত অঞ্চলটোৰ বিভিন্ন জাতি জনগোষ্ঠীৰ ৰাইজে অংশ গ্ৰহন কৰাৰ লগতে বিস্তৃত কাৰ্যসুচীৰে দেউছী-ভৈলী নৃত্য প্ৰতিযোগীতাৰো আয়োজন কৰা হয়। কাচমাৰী উন্নয়ন সমিতিৰ সভাপতি এক বাহাদুৰ ঘৌৰসানে, কাৰ্যকৰী সভাপতি পংকজ পৌড়েল, উপ সভাপতি মিলন বিশ্বকৰ্মাৰ লগতে সমুহ সদস্যবৃন্দ এই তিহাৰ সন্মিলনত ।