গুৱাহাটী,২৮ ডিচেম্বৰঃ নিশা বটদ্ৰৱাৰ আকাশীগংগাৰ তীৰত থকা ব্যৱসায়ীক প্ৰতিষ্ঠানত সংঘটিত হোৱা এই ভয়ংকৰ অগ্নিকাণ্ডত বহু লাখ টকাৰ ক্ষতি হোৱাৰ লগতে প্ৰায় ১৩খন ব্যৱসায়ীক প্ৰতিষ্ঠানত নিশা জুইয়ে ভষ্মিভূত কৰে । সংঘটিত হোৱা অগ্নিকাণ্ড ফলত মনিহাৰী সামগ্ৰী,ফটো,কিতাপ,পুতলা,কাপোৰ আদিৰ দোকানৰ লগতে বহুকেইখন হোটেলো ভষ্মিভূত হয় । পিছত অগ্নি নিৰ্বাপক বাহিনীয়ে এই জুই নুমুৱাবলৈ সক্ষম হয় যদিও প্ৰায় ৫০ লাখ টকাৰ সা-সামগ্ৰী ভষ্মিভূত হয় বুলি জানিব পৰা গৈছে । অৱশ্যে এই অগ্নিকাণ্ডৰ সূত্ৰপাত কিদৰে হ’ল সেই বিষয়ে এতিয়াও জানিব পৰা নাই ।