ধেমাজি জিলাৰ চিচিবৰ গাওঁৰ সন্তান জ্যোতিলতা দেউৰীয়ে খেলো ইণ্ডিয়াৰ ৰাষ্টীয় প্ৰতিযোগিতাত জুডোত ৰূপৰ পদক লাভ কৰা বিষয়টোৱে অসম তথা ধেমাজি জিলা ৰাইজক উৎফুল্লিত কৰি তুলিছে।২৫ ছেপ্টেম্বৰত কেৰালাত অনুষ্ঠিত হোৱা খেলো ইণ্ডিয়াত জ্যোতিলতা দেউৰীয়ে জুডো’ৰ ৪৮ কেজি শাখাত অসমক প্ৰতিনিধিত্ব কৰি ৰূপৰ পদক অৰ্জন কৰি কৰিবলৈ সক্ষম হয় । উল্লেখ্য যে, প্ৰতিভাৱান জ্যোতিলতা দেউৰী হ’ল ধেমাজি জিলাৰ শ্ৰীপানি দেউৰী গাঁৱৰ নিবাসী লক্ষীচন্দ্ৰ দেউৰী আৰু ললিতা দেউৰীৰ কন্যা তথা চিচিবৰগাঁও জ্যেষ্ঠ বিজ্ঞান মাধ্যমিক বিদ্যালয়ৰ ছাত্ৰী। জ্যোতিলতাৰ প্ৰশিক্ষক আছিল জয়শ্ৰী হাজৰিকা। প্ৰশিক্ষক জয়শ্ৰী হাজৰিকা দেউৰীৰ প্ৰতিভাৱান প্ৰশিক্ষাৰ্থী জ্যোতিলতাৰ এই সাফল্যই আনন্দিত কৰি তুলিছে অঞ্চলবাসীক তথা অসমবাসী ৰাইজক ।