সমাগত পোহৰৰ উৎসৱ দীপাৱলী। ৰাজ্যৰ চৌদিশে চলিছে দীপাৱলীৰ ব্যাপক প্ৰস্তুতি। নানা ধৰণৰ আতছবাজি আৰু অধুনিক ৰঙীণ লাইটেৰে ভৰি পৰিছে ৰাজ্যৰ বজাৰসমূহ। তাৰ সমান্তৰালকৈ ব্যস্ততাৰ অন্ত নাইকিয়া হৈছে মৃৎ শিল্পীসকলৰ। দেৱালীৰ দিনা আপোনাৰ ঘৰৰ চৌপাশ পোহৰেৰে উজ্বলাই তুলিবলৈ মৃৎ শিল্পীসকলে দিনে-ৰাতি একাকাৰ কৰিছে।
দীপাৱলীত চীনা সামগ্ৰী, লাইট আদিক প্ৰত্যাহ্বান জনাবলৈ থলুৱা শিল্পীসকলে মাটিৰ চাকি প্ৰস্তুত কৰি বজাৰত বিক্ৰী কৰিবৰ বাবে সাজু কৰিছে ৷ সাধাৰণতে বছৰৰ আন সময়ছোৱাতকৈ দেৱালীৰ সময়ত মাটিৰ চাকি, ধূনাবাটিৰ চাহিদা অধিক হাৰত হোৱা দেখা যায়। ঘাইকৈ ব্যাপক হাৰত বিক্রী হয় হাজাৰ হাজাৰ মাটিৰ চাকি।