ডুমডুমা ৰাজহুৱা বিহু উদযাপন সমিতিয়ে যোগেশ দাশ সোৱঁৰণী বঁটা প্ৰদান কৰে অসমীয়া প্ৰতিদিনৰ সম্পাদক তথা সাদিন প্ৰতিদিনৰ স্বত্বাধিকাৰী জয়ন্ত বৰুৱালৈ । অসমৰ এগৰাকী বিশিষ্ট সাহিত্যিক ,অসম সাহিত্য সভাৰ সভাপতি যোগেশ দাসৰ সোৱঁৰণত এই বিশেষ বঁটা আগবঢ়াই সংবাদ ক্ষেত্ৰলৈ বৰঙণি আগবঢ়োৱা আৰু হেমকোষ ব্ৰেইল সংস্কৰণ প্ৰকাশ কৰি গীনিজ ৱৰ্ল্ড ৰেকৰ্ডছৰ সম্পাদক জয়ন্ত বৰুৱালৈ ।
ডুমডুমা বিহু সমিতি তৰফৰ পৰা জনোৱা মতে প্ৰত্য়েক বছৰে বিভিন্ন ক্ষেত্ৰত বৰঙনী আগবঢ়োৱা একোজনকৈ ব্য়ক্তিক প্ৰদান কৰা হয় এই বিশেষ বঁটা। অহা ৯,১০,১১ মে’ত ডুমডুমা নগৰ খেলপথাৰত অনুষ্ঠিত হব লগা ৰঙালী বিহু ৰ সন্মিলমৰ অন্তিম দিনা হ’ব লগা মুকলি সভাত জয়ন্ত বৰুৱালৈ আগবঢ়োৱা হ’ব এই বটা । তথ্যমতে , এই সভাত উপস্থিত থাকিব অসম জাতীয়তাবাদী যুব-ছাত্ৰ পৰিষদৰ কেন্দ্ৰীয় সভাপতি পলাশ চাংমাই,অসম সাহিত্য় সভাৰ উপ সভাপতি গিৰীশ সন্দিকৈৰ লগতে জাতীয়-জনগোষ্ঠীয় সংগঠনৰ বিষয়ববীযাৰ লগতে বিশিষ্ট ব্যক্তিসকল এই সভাখনত উপস্থিত থাকিব । আৰু এই সভাখন চলাই নিবলৈ ড: প্ৰণবজ্যোতি ডেকাক সভাপতি,জিতু ডেকা ,সুৰৰীণক কাৰ্যকৰি সভাপতি,ৰাণা সোণাৰ,জয়ন্ত মৰাণক যুটীয়া সাধাৰণ সম্পাদক হিচাপে লৈ সভাখন গঠন কৰা হৈছে। লগতে এই বিহুখনত ডুমডুমাবাসী ৰাইজৰ পৰা সম্পুৰ্ণৰূপে সহাই সহযোগ আগবঢ়াবলৈ সমিতি তৰফৰ পৰা আহ্বান জনোৱা হৈছে ।