অসম এথলেটিক সন্থাৰ উদ্যোগত মৰিগাঁৱত আজিৰে পৰা অনুষ্ঠিত হ’ব আন্ত:জিলা এথলেটিকছ।মৰিগাঁও জিলা ক্ৰীড়া সন্থা আৰু মৰিগাঁও জিলা প্ৰশাসনৰ সহযোগত মৰিগাঁও চহৰৰ ক্ষীৰোদ বৰুৱা ষ্টেডিয়ামত এই আন্ত:জিলা এথলেটিকছ প্ৰতিযোগিতাখন অনুষ্ঠিত হ’ব।এই এথলেটিকছ প্ৰতিযোগিতাখনত অংশগ্ৰহণ কৰিবৰ বাবে ৰাজ্য়ৰ বিভিন্ন প্ৰান্তৰ পৰা বৃহস্পতিবাৰে সন্ধিয়ালৈ বিভিন্ন প্ৰতিভাবান খেলুৱৈৰ মৰিগাঁৱত সমাগম ঘটে।বৃহস্পতিবাৰে সন্ধিয়াভাগত এই খেলুৱৈসকলৰ নাম পঞ্জীয়ন কাৰ্যসূচী কৰাৰ লগতে ষ্টেডিয়াম প্ৰাংগণত বন্তি প্ৰজলন কৰে।মৰিগাঁও জিলা ক্ৰীড়া সন্থাৰ সাধাৰণ সম্পাদক জিতু বৰদলৈ আৰু মৰিগাঁৱৰ জিলা আয়ুক্ত দিৱাশিস শৰ্মাই স্মৃতি তৰ্পন কৰে।আজি পুৱা ৬ বজাৰ পৰা ল’ৰা-ছোৱালীৰ অনুর্ধ্ব ১৪,১৬,১৮,২০ আৰু পুৰুষ-মহিলাৰ বিভিন্ন ইভেন্টৰ খেলসমূহ অনুষ্ঠিত হ’ব।আজি দিনৰ ভাগত অসম এথলেটিকছ সন্থাৰ পতাকা উত্তোলন কৰা হব।এথলেটিকছ সন্থাৰ সভাপতি তথা মৰিগাঁৱৰ বিধায়ক ৰামাকান্ত দেউৰীয়ে পতাকা উত্তোলন কৰিব।ক্ৰীড়া মন্ত্ৰী নন্দিতা গাৰ্লোচাই প্ৰতিযোগিতাখন উদ্বোধন কৰিব আৰু লগতে মন্ত্ৰী পীয়ূষ হাজৰিকাই স্মৃতিগ্ৰন্থ ‘ক্ৰীড়াগন’ উন্মোচন কৰিব।