গুৱাহাটীৰ আজাৰাত থকা ৰাজহুৱা সভাঘৰত অসম সাংবাদিক সংস্থাই আয়োজন কৰা বঁটা প্ৰদান অনুষ্ঠানত মুখ্য অতিথি হিচাপে উপস্থিত থাকি উজ্জ্বল ভূঞাই কেইবাটাও গুৰুত্বপূৰ্ণ মন্তব্য আগবঢ়ায় । উচ্চতম ন্যায়লয়ৰ ন্যায়ধীশ ভূঞাই এনকাউন্টাৰ সন্দৰ্ভত সমালোচনা কৰা পৰিলক্ষিত হয় । লগতে ন্যায়ধীশ গৰাকীয়ে আৰক্ষীৰ জিম্মাত হোৱা মৃত্যুৰ ঘটনা সভ্য সমাজৰ বাবে জঘন্যতম ঘটনা বুলি তেখেতে উল্লেখ কৰে । আনহাতে এই ঘটনাক তেওঁ বে-আইনী বুলিও কয় ।আৰু অভিযুক্তৰ ঘৰ বুলডজাৰেৰে অভিযুক্তৰ ঘৰ ভাঙি দিয়াৰ প্ৰসংগও তেওঁ উল্লেখ কৰে । লগতে চৰকাৰী পক্ষই উগ্ৰপন্থীৰ দৰে কাম-কাজ কৰিব নোৱাৰে বুলি মন্তব্য আগবঢ়ায় । তাৰ সমান্তৰালভাৱে সাংবাদিকসকলকো দায়বদ্ধ হোৱাৰ কথা অৱগত কৰে । সাংবাদিকতাৰ ক্ষেত্ৰখনত বিভিন্নজনে আগবঢ়োৱা অৱদানৰ কথাও আলোকপাত কৰে । প্ৰিন্ট মিডিয়াৰ পৰা আৰম্ভ কৰি ডিজিটেল মিডিয়াৰ ক্ষেত্ৰখন বহু আগবাঢ়ি গ’ল বুলি মন্তব্য আগবঢ়ায় ।