বিশ্বৰ পৰ্যটন মানচিত্ৰত জিলিকিল অসম।২০২৫ চনত নিউয়ৰ্ক টাইমেছে প্ৰকাশ কৰা বিশ্বৰ প্ৰায় ৫২ খন পৰ্যটন ক্ষেত্ৰৰ তালিকাত অন্তৰ্ভূক্ত হয় অসমৰ দুই পৰ্যটন ক্ষেত্ৰ। ভাৰতৰ ভিতৰতে অসমে আন্ত:ৰাষ্ট্ৰীয় পৰ্যায়তত চতুৰ্থস্থান দখল কৰাত আনন্দৰ বন্যা বৈছে কাজিৰঙাত। আনহাতে পূৰ্বে ৰাষ্ট্ৰীয় পৰ্যায়ত দহখন আইকনিক স্থানৰ ভিতৰত কাজিৰঙা ৰাষ্ট্ৰীয় উদ্যানে স্থান লাভ কৰিবলৈ সক্ষম হৈছিল।লগতে বিগত সময়ছোৱাত কাজিৰঙা ৰাষ্ট্ৰীয় উদ্যানলৈ দেশৰ দুগৰাকীকৈ ৰাষ্ট্ৰপতি,প্ৰধানমন্ত্ৰী মোদী,লোকসভাৰ অধ্যক্ষ,ভূটানৰ ৰজাৰ ভ্ৰমণে কাজিৰঙাক আন্ত:ৰাষ্ট্ৰীয় পৰ্যায়ত নতুন ৰুপত পৰিচয় কৰায়।কাজিৰঙালৈ সম্প্ৰতি যথেষ্ট পৰ্যটকৰ আগমন ঘটিছে।২০২৪-২৫ পৰ্যটন বৰ্ষৰ যোৱা তিনিমাহত ১,৬৪,৬৩৫ দেশী-বিদেশী পৰ্যটকে কাজিৰঙা ৰাষ্ট্ৰীয় উদ্যান ভ্ৰমণ কৰিছে বুলি ক্ষেত্ৰ সঞ্চালকগৰাকীয়ে উল্লেখ কৰি কয় যে ইয়াৰে ছয় সহস্ৰাধিক বিদেশী পৰ্যটকে কাজিৰঙা ভ্ৰমন কৰিছে।আনহাতে পৰ্যটকৰ পৰা কাজিৰঙা বন বিভাগে ৪ কোটি ৩২ লাখ টকাৰ ৰাজহ লাভ কৰিছে।