দেশৰ প্ৰাক্তন প্ৰধানমন্ত্ৰী ড০ মনমোহন সিঙৰ বিয়োগত মৰ্মাহত হৈছে সমগ্ৰ ভাৰতবাসী । শক্তিশালী ৰাজনৈতিক নেতাগৰাকীৰ মৃত্যু দেশবাসীৰ বাবে অপূৰণীয় ক্ষতি । ২০০৪ , ২০০৯ চনত দহ বছৰলৈ প্ৰধানমন্ত্ৰীৰ দায়িত্ব লাভ কৰিছিল । বাৰ্ধক্যজনিত ৰোগত আক্ৰান্ত হৈ মৃত্যুক সাবটি লব লগীয়া হয় । বৰ্ষীয়ান নেতাগৰাকীয়ে বৃহস্পতিবাৰে নিজ বাসগৃহত গুৰুতৰভাৱে অসুস্থ হোৱা পৰিলক্ষিত হৈছিল । যাৰ ফলশ্ৰুতিত নেতাগৰাকীক দিল্লীৰ এইমছত ভৰ্তি কৰোৱা হৈছিল । আৰু চিকিৎসালয়তে নিশা ৯.৫১ বজাত পৃথিৱীৰ পৰা মেলানি মাগে । একাধাৰে ৰাজনৈতিক নেতা , বিশিষ্ঠ অৰ্থনীতিবিদ আৰু কুটনীতিক হিচাপে পৰিচিত আছিল । ড০ সিঙে ১৯৩২ চনৰ ২৬ ছেপ্তেম্বৰত বৰ্তমানৰ পাকিস্থানত অৱস্থিত পঞ্জাৱ দেশৰ গৃহত জন্ম হৈছিল । ১৯৬০ চনত তেওঁ ডক্তৰেট ডিগ্ৰীৰ বাবে ঐতিহ্যমণ্ডিত অক্সফৰ্ড বিশ্ববিদ্যালয়ত অধ্যয়ন কৰি এই সন্মানিও ডিগ্ৰী লাভ কৰে ।
ড০ সিঙে ১৯৬৯ ৰ পৰা ১৯৭১ লৈকে দিল্লী স্কুল অৱ ইকনমিকছৰ আন্তৰ্জাতিক বাণিজ্য বিভাগৰ অধ্যাপক আছিল । উল্লেখ্য যে ড০ সিঙে ১৯৯১ চনত প্ৰথমবাৰৰ বাবে অসমৰ পৰা ৰাজ্যসভালৈ নিৰ্বাচিত হোৱা আৰু পৰৱৰ্তী সময়ত চাৰিবাৰলৈ ৰাজ্যসভালৈ নিৰ্বাচিত হৈছিল । প্ৰচুৰ অভিজ্ঞসম্পন্ন নেতাগৰাকীৰ মৃত্যুত কংগ্ৰেছৰ ছোনিয়া গান্ধীয়ে “ কংগ্ৰেছ পৰিয়ালৰ বাবে এয়া বৃহৎ ক্ষতি “ বুলি শোক প্ৰকাশ কৰে । তাৰ সমান্তৰালভাৱে কংগ্ৰেছৰ সাংসদ ৰাহুল গান্ধীয়ে ‘ মই মোৰ অভিভাৱক – দিকনিৰ্দেশকক হেৰুৱাৰো বুলি শোক প্ৰকাশ কৰে । আনহাতে অসমৰ মুখ্যমন্ত্ৰী ড০ হিমন্ত বিশ্ব শৰ্মাই ও বৰ্ষীয়ান নেতাগৰাকীৰ মৃত্যুত শোক প্ৰকাশ কৰাৰ লগতে তেখেতক শ্ৰদ্ধাঞ্জলি জ্ঞাপন কৰাৰ উদ্দেশ্যে অসম চৰকাৰে ২৬-১২-২০২৪ ৰ পৰা ০১-০১-২০২৫ লৈ ৭ দিনীয়া ৰাজ্যিক শোক পালন কৰিব আৰু এই সময়ছোৱাত ৰাজ্য চৰকাৰৰ সকলো প্ৰতিষ্ঠানতে অৰ্ধনিৰ্মিত ৰাষ্ট্ৰীয় পতাকা উৰিব । লগতে সকলো চৰকাৰী মনোৰঞ্জনমূলক কাৰ্য্যসূচী এই সপ্তাহটিত বাতিল কৰা হৈছে বুলি সামাজিক মাধ্যমত পোষ্ট দিয়ে ।