মধ্যপ্ৰদেশৰ প্ৰাক্তন মুখ্যমন্ত্ৰী কমল নাথৰ পুত্ৰ নকুল নাথক একাংশ বিজেপি কৰ্মীয়ে বাৰাৰিপুৰৰ এটা ভোটগ্ৰহণ কেন্দ্ৰত প্ৰৱেশত বাধা প্ৰদান কৰাৰ অভিযোগ উত্থাপন হৈছে । কমল নাথৰ পুত্ৰ নকুল নাথৰ অভিযোগ অনুসৰি একাংশ বিজেপি কৰ্মীয়ে তেওঁক অকতৃত্বশীলভাৱে ভোটকেন্দ্ৰটোত প্ৰৱেশত বাধা প্ৰদান কৰিছে । পুৱা ৭ বজাৰ পৰা মধ্যপ্ৰদেশত আৰম্ভ হৈছে ভোটগ্ৰহণ ।ৰাজ্যখনৰ মুঠ ২৩০ টা বিধানসভা সমষ্টিৰ আটাইকেইটা সমষ্টিতে অনুষ্ঠিত হব এই ভোটগ্ৰহণ । ৰাজ্যখনত এইবাৰ নিৰ্বাচনী যুঁজখন কংগ্ৰেছ আৰু বিজেপিৰ মাজত হৈছে ।
জানিবপৰামতে ৰাজ্যখনৰ ২৩০ টা বিধানসভা সমষ্টিত কংগ্ৰেছ , বিজেপি , বহুজন সমাজবাদী পাৰ্টি , আপ , চি পি আই এমকে ধৰি বিভিন্ন দলে প্ৰাৰ্থি প্ৰক্ষেপ কৰিছে । আৰু টিকটৰ পৰা বঞ্চিত একাংশই নিৰ্দলীয়ভাৱেও প্ৰতিদ্বন্দিতা কৰিছে । কংগ্ৰেছ ,বিজেপি আৰু বি এছ পিয়ে ২৩০ খন আসনতে প্ৰাৰ্থি প্ৰক্ষেপ কৰিছে । এই ২৩০ টা সমষ্টিত মুঠ ২৫৩৩ গৰাকী প্ৰাৰ্থিয়ে প্ৰতিদ্ৱন্দিতা কৰিছে ।