এক ভয়ংকৰ পথ দুৰ্ঘটনাত প্ৰাণ হেৰুৱালে নগাঁৱৰ বন বিষয়া সুৰজিত সিং। জানিব পৰা মতে গুৱাহাটীৰ পৰা উভতাৰ পথতে দুৰ্ঘটনাত পতিত হল সুৰজিত সিং। নগাঁৱৰ বেবেজিয়াত সোমবাৰে নিশা ১০ বজাত সংঘটিত হৈছে এই শোকাৱহ পথ দুৰ্ঘটনাটো।
ঘৰলৈ উভতাৰ পথত বন বিষয়া জনৰ বাহনত খুন্দা মাৰে এখন তীব্ৰবেগী ট্ৰেভেলাৰ। যাৰ ফলত নিহত হয় বিষয়াজন। বিভাগীয় কামত গুৱাহাটীলৈ গৈছিল সুৰজিত সিং। উল্লেখযোগ্য যে নগাঁও বন সংমণ্ডল কাৰ্যলয়ত দীৰ্ঘদিনে কৰ্মৰত হৈ থকা সুৰজিত সিং। নগাঁৱৰ বিভিন্ন সামাজিক অনুষ্ঠানৰ লগত জডিত আছিল তেওঁ। সৰবৰহী ব্যক্তি গৰাকীৰ বিয়োগত নগাঁৱত শোকৰ ছাঁ পৰিছে ।