আজি হঠাতে ঘোষণা কৰা হয় হাইস্কুল শিক্ষান্ত পৰীক্ষাৰ ফলাফল । পূৰ্বৰ দৰে কোনো আগতীয়া জাননী অবিহনে আজি পুৱা ৮ বজাত শিক্ষামন্ত্ৰী ডাঃ ৰণোজ পেগুৱে ৰিজাল্ট সন্দৰ্ভত টুইটাৰযোগে অৱগত কৰে।ফলাফল ঘোষণাৰ ২ ঘণ্টা পূৰ্বে এই বিষয়ে জনায় শিক্ষামন্ত্ৰীয় গৰাকীয়ে ।
ডাঃ ৰণোজ পেগুৰ হাইস্কুল শিক্ষান্ত পৰীক্ষাৰ ফলাফল সন্দৰ্ভত কৰা টুইটৰ মাজতে আন এক প্ৰচাৰ হৈছে যে আজিয়ে উচ্চতৰ মাধ্যমিক চূড়ান্ত পৰীক্ষাৰো ফলাফল ঘোষণা কৰা হ’ব। কিন্তু এয়া উৰাবাতৰি বুলি পুনৰ শিক্ষামন্ত্ৰীগৰাকীয়ে টুইটযোগে প্ৰকাশ কৰে। শিক্ষামন্ত্ৰীয়ে উল্লেখ কৰে যে আজি উচ্চতৰ মাধ্যমিক চূড়ান্ত পৰীক্ষাৰ ফলাফল ঘোষণা কৰা নহয়। এই বিষয়ে যি প্ৰচাৰ চলি আছে সেয়া সম্পূৰ্ণ ভুৱা প্ৰচাৰ ।