গুৱাহাটী,২৬ এপ্রিলঃ বৰ্তমান সময়ত ভাৰতৰ কৰ্মসংস্থাপন সৃষ্টিৰ সমস্যাই এক বৃহৎ প্রত্যাহ্বান সৃষ্টি কৰা পৰিলক্ষিত হৈছে। অধিসংখ্যক লোকে আনকি কাম বা চাকৰি বিচাৰিবলৈ এৰি দিছে । সঠিক কামৰ সন্ধানত কৰ্মসংস্থান লাভ কৰিবলৈ সমৰ্থ নহৈ হতাশ হৈ পৰিছে লাখ লাখ ভাৰতীয়ই । মুম্বাইৰ এটা ব্যক্তিগত খণ্ডৰ গৱেষণা প্রতিষ্ঠান চেন্টাৰ ফৰ মনিটৰিং ইণ্ডিয়ান ইকনমি প্রাইভেটে প্রকাশ কৰা অনুসৰি বিশেষকৈ , মহিলাসকলে সামগ্ৰিকভাৱে শ্রম শক্তিৰ পৰা প্রস্থান কৰিছে ।
বিশ্বৰ অন্যতম দ্রুত সম্প্রসাৰিত অৰ্থনীতিৰুপে ভাৰতে বিকাশ বৃদ্ধি কৰিবলৈ তৰুণ শ্রমিকৰ ওপৰত নিৰ্ভৰ কৰাৰ সময়ত শেহতীয়া তথ্য এক ভয়াবহতাৰ পূৰ্বাভাস । ২০১৭ চনৰ পৰা ২০২২ চনলৈকে ৪৬ শতাংশৰ পৰা ৪০ শতাংশলৈ হ্রাস পাইছে সামগ্ৰিক শ্রমিকৰ অংশগ্ৰহণ ।চি এম আই ৰ মতে বৰ্তমান বৈধ শ্রমৰ বয়সৰ ৯০ কোটি ভাৰতীয়ৰ আধাসংখ্যকে কোনো কাম বা চাকৰি নিবিচাৰে । তদুপৰি , সোণালী যুগ পাবলৈ কৰ্মসংস্থাপনক প্রধানমন্ত্রী নৰেন্দ্র মোডীয়ে অগ্ৰাধিকাৰ দিছিল । মেককিনছে গ্ল’বেল ইনষ্টিটিউটে ২০২০ চনতে প্রকাশ কৰা এক প্রতিবেদন অনুসৰি শ্রমশক্তিত অন্তৰ্ভূক্ত হ’বলগীয়া যুৱক – যুৱতীৰ বৃদ্ধিৰ সৈতে খোজ মিলাবলৈ হ’লে ২০৩০ চনৰ ভিতৰত ভাৰতে কৃষি খণ্ডত ৯ কোটি কৰ্মসংস্থান সৃষ্টি কৰা দৰকাৰ ।তাৰ বাবে ভাৰতক বাৰ্ষিক ৮ শতাংশৰ পৰা ৮.৫ শতাংশ মুঠ ঘৰুৱা উৎপাদনৰ বিকাশৰ প্রয়োজন ।