দেশৰ তৃতীয় জনপ্ৰিয় মুখ্যমন্ত্ৰী ড০ হিমন্ত বিশ্ব শৰ্মা

গুৱাহাটী, ১০ফেব্ৰুৱাৰীঃ দেশৰ ১০গৰাকী জনপ্ৰিয় মুখ্যমন্ত্ৰীৰ তালিকাত জিলিকিল অসমৰ মুখ্যমন্ত্ৰী ড০ হিমন্ত বিশ্ব শৰ্মাৰ নাম। শুকুৰবাৰে ইণ্ডিয়া টুডেৰ C ভোটাৰ সমীক্ষাত প্ৰকাশ পোৱা তথ্য অনুসৰি ৰাজ্যৰ ৪৮.৬ শতাংশ লোকৰ মাজত জনপ্ৰিয় মুখ্যমন্ত্ৰী হৈছে হিমন্ত বিশ্ব শৰ্মা।আনহাতে জনপ্ৰিয় মুখ্যমন্ত্ৰীৰ তালিকাৰ শীৰ্ষ স্থানত আছে ওড়িশাৰ মুখ্যমন্ত্ৰী নবীন পাটনায়ক আৰু দ্বিতীয় স্থানত আছে উত্তৰপ্ৰদেশৰ মুখ্যমন্ত্ৰী যোগী আদিত্য নাথ।

উল্লেখ্য যে, যোৱা এবছৰত মুখ্যমন্ত্ৰী হিমন্ত বিশ্ব শৰ্মাৰ জনপ্ৰিয়তা কিছুপৰিমাণে হ্ৰাস পাবলৈ ধৰিছিল।কিন্তু ইণ্ডিয়া টুডেৰ মুড অৱ দ্য নেচন প’লৰ শেহতীয়া সংস্কৰণে প্ৰকাশ কৰিছে যে যেতিয়া সমগ্ৰ দেশৰ মুখ্যমন্ত্ৰীসকলক গৃহ ৰাজ্যৰ ভিতৰত তেওঁলোকৰ প্ৰদৰ্শনৰ ওপৰত ভিত্তি কৰি জুখি চাবৰ বাবে প্ৰতিখন ৰাজ্যৰ উত্তৰদাতা অৰ্থা९, জনসাধাৰণক নিজ নিজ ৰাজ্যৰ মুখ্যমন্ত্ৰীসকলৰ কৰ্মদক্ষতাৰ ৰেটিং দিবলৈ কোৱা হৈছিল তেতিয়া অসমৰ ৪৮.৬ শতাংশ উত্তৰদাতাই মুখ্যমন্ত্ৰী হিমন্ত বিশ্ব শৰ্মাৰ কৰ্মদক্ষতাত সন্ত্তষ্টি প্ৰকাশ কৰিছিল।সেই অনুসৰি দেশৰ তৃতীয় সৰ্বাধিক জনপ্ৰিয় মুখ্যমন্ত্ৰীৰ তালিকাত আছে ড০ হিমন্ত বিশ্ব শৰ্মা।