ডিজিটেল ডেস্কঃ দৰং জিলাত সংঘটিত হয় এক ভয়ংকৰ পথ দুৰ্ঘটনা। এই শোকাৱহ পথ দুৰ্ঘটনাত নিহত হয় মঙলদৈৰ জিলা শ্ৰম বিষয়া গৌৰাংগ দাস। জানিব পৰা মতে বৃহস্পতিবাৰে নিশা খাৰুপেটীয়াৰ পৰা মঙলদৈ অভিমুখে আহি থকা অৱস্থাত নিজ গাড়ীৰ নিয়ন্ত্ৰন হেৰুৱাই ট্ৰাকত প্ৰচণ্ড খুন্দা মাৰি ভয়ংকৰ দুৰ্ঘটনাত পতিত হয় শ্ৰম বিষয়া গৰাকী। দুৰ্ঘটনাত পতিত হোৱাৰ লগে লগে মঙলদৈ অসামৰিক চিকিৎসালয়ত ভৰ্তি কৰোৱা হয় যদিওপুৱতি নিশা হাস্পতালতে মৃত্যু হয় শ্ৰম বিষয়া গৰাকীৰ। এই দুৰ্ঘটনাই এতিয়া সমগ্ৰ মঙলদৈত শোঁকৰ ছাঁ পেলাইছে।