বৃহস্পতিবাৰে, ১৫ ডিচেম্বৰত যোৰহাটত অনুষ্ঠিত হোৱা অসম চৰকাৰৰ কেবিনেট বৈঠকত মুখ্য়মন্ত্ৰী ড° হিমন্ত বিশ্ব শৰ্মা কেইবাটাও গুৰুত্বপূৰ্ণ সিদ্ধান্ত গ্ৰহণ কৰে। এই বৈঠকত মুখ্য়মন্ত্ৰীয়ে, ৮৫৭ কোটি টকাৰ ব্য়য় সাপেক্ষ বহুকেইটা প্ৰকল্পৰ কামৰ শুভাৰম্ভ কৰে ।
যোৰহাটত অনুষ্ঠিত হোৱা কেবিনেট বৈঠকত লোৱা সিদ্ধান্তসমুহ হ’ল –
১) যুৱ পেছাদাৰী কাৰ্যসূচী (জিলা প্ৰশাসনৰ সৈতে কাম কৰিবলৈ সমাজৰ তৃণমুল পৰ্যায়ৰ ভিন্ন ক্ষেত্ৰৰ যুৱ পেছাদাৰীসকলক ২ বছৰৰ বাবে নিয়োগ কৰা) ৰ অধীনত অসমৰ ৩৫খন জিলাৰ প্ৰতিখন জিলাত ২ গৰাকীকৈ যুৱ পেছাদাৰীক শিক্ষা, স্বাস্থ্য় আৰু মহিলা , শিশু উন্নয়ন ক্ষেত্ৰত বিশেষ গুৰুত্বৰ হেতু নিয়োজিত কৰা।
২) যুৱ পেছাদাৰীসকলক নিয়োজিত কৰাৰ লক্ষ্য়ৰে ৩ বছৰৰ আনুমানিক বাজেট – ২৩২.২২ কোটি টকা।
৩) ৰাজগড় ৰোডৰ দিশত ২ লেন সম্প্ৰসাৰণেৰে দীঘলীপুখুৰীৰ পৰা নুনমাটি এফ চি আই গুদামলৈ জি এন বি ৰোডত ৪ লেনযুক্ত এলিভেটেড কৰিডৰ নিৰ্মাণ কৰা হ’ব।
৪) গুৱাহাটী নাগৰিকৰ উপযোগিতা সেৱাৰ ক্ষেত্ৰত- স্ট্ৰীট লাইটৰ চোৱাচিতা, আৱৰ্জনা সংগ্ৰহ আদিৰ বাবে গুৱাহাটী ইউটিলিটিজ কোম্পানী লিমিটেড স্থাপন কৰাৰ সিদ্ধান্ত ।
৫) অসম চিনেমা নিয়ন্ত্ৰণ সংশোধনী আইন, ২০০৫ উলংঘনৰ বাবে বৰ্তমানৰ জৰিমনা ৫ হাজাৰৰ পৰা ১০ হাজাৰ টকালৈ পুনৰ নিৰ্ধাৰণ কৰাত অনুমোদন।
৬) শক্তি খণ্ডৰ উন্নয়নৰ লক্ষ্য়ৰে CENTRAL ELECTRICITY REGULATORY COMMISION T&C OF TARIFF 2019-ৰ নিয়মানৱলী ৬৬ অনুসৰি পাৰস্পৰিক সন্মত মীমাংসা শুল্কত নেডেলি উত্তৰ প্ৰদেশ পাৱাৰ লিমিটে়ডৰ পৰা অতিৰিক্ত ২০৬ মেগাৱাট বিদ্য়ুত ক্ৰয়ৰ সিদ্ধান্ত।
৭) এগ্রিগেটৰসকলক মটৰচাইকেল টেক্সি একত্ৰীকৰণৰ অনুমতি প্ৰদান (অনা-পৰিবহণ মটৰচাইকেলসহ), অসমত এনে এগ্রিগেটৰৰ দ্বাৰা পৰিচালিত ব্যৱসায়ৰ নিয়ন্ত্রণ আৰু বাহন পুলিং ব্যৱস্থাক উৎসাহিত কৰি চহৰখনত অংশীদাৰী গতিশীলতা বৃদ্ধি কৰা আদিৰে আছাম মটৰ ভেহিকেল এগ্রিগেটৰ ৰুলছ, ২০২২ৰ প্ৰৱৰ্তন
 |
ReplyForward
|