অসমত তিনিটা পৰ্যায়ত লোকসভা নিৰ্বাচনৰ পৰিসমাপ্তি ঘটাৰ লগে লগে আজি বিজেপিৰ অন্যতম ষ্টাৰ কেম্পইনাৰ তথা অসমৰ মুখ্যমন্ত্ৰী ড০হিমন্ত বিশ্ব শৰ্মাই আজিৰে পৰা ভাৰতৰ বিভিন্ন ৰাজ্যত নিৰ্বাচনী প্ৰচাৰ চলাব।আজিৰ পৰা ১১ মে’লৈ মুখ্যমন্ত্ৰী ড০হিমন্ত বিশ্ব শৰ্মাই চাৰি ৰাজ্য ক্ৰমে ওড়িশা,পশ্চিমবংগ,বিহাৰ আৰু ঝাৰখণ্ডত নিৰ্বাচনী প্ৰচাৰ চলাব।জানিবপৰামতে ১৩মে’ত ওড়িশাত প্ৰথম পৰ্যায়ৰ লোকসভা নিৰ্বাচনৰ ভোটগ্ৰহণ অনুষ্ঠিত হ’ব।আজি মুখ্যমন্ত্ৰী গৰাকীয়ে ওড়িশাত মলকনগিৰিৰ নৱংপুৰ লোকসভা সমষ্টিত প্ৰথমে এখন নিৰ্বাচনী সভাত অংশগ্ৰহণ কৰিব।আৰু ইয়াৰ পিছতে চিত্ৰাকন্দাত আন এখন সভাত অংশ ল’ব।ইয়াৰ পৰৱৰ্তী সময়ত মুখ্যমন্ত্ৰী ড০হিমন্ত বিশ্ব শৰ্মাই আছকা লোকসভাৰ খল্লিকটত আন এখন নিৰ্বাচনী সভাতো অংশগ্ৰহণ কৰিব।আজি ওড়িশাত তিনিখন নিৰ্বাচনী প্ৰচাৰ সভাত অংশগ্ৰহণ কৰাৰ লগতে ১০ মে’ত পশ্চিমবংগত নিৰ্বাচনী প্ৰচাৰ চলাব।পশ্চিমবংগৰ কৃষ্ণনগৰ লোকসভা সমষ্টিৰ ভীমপুৰত প্ৰথমে এটা ৰোড শ্ব’ত অংশগ্ৰহণ কৰিব।তাৰ পিছতে পৰাগপুৰৰ অন্নপূৰ্ণাত এখন নিৰ্বাচনী প্ৰচাৰ সভাত অংশ ল’ব।অন্নপূৰ্ণাৰ সভাখনৰ অন্তত হুগলীৰ বালাগৰত আন এখন নিৰ্বাচনী প্ৰচাৰ সভাত অংশ ল’ব।১১ মে’ত বিহাৰৰ বেগুচৰাইত আৰু ঝাৰখণ্ডৰ ৰাচীঁৰ খুমটি লোকসভা সমষ্টিত নিৰ্বাচনী প্ৰচাৰ চলাব।