চেন্নাইৰ অইল কৰ্পোৰেচনত সংঘটিত হৈছে এক ভয়ংকৰ অগ্নিকাণ্ড ।চেন্নাইৰ অইল কৰ্পোৰেচন প্ৰকল্প এটাত সংঘটিত হৈছে এই
ভয়ংকৰ অগ্নিকাণ্ড।এই অগ্নিকাণ্ডৰ ফলত অইলৰ ইথানল সংৰক্ষণ টেংকত কৰ্মৰত এগৰাকী কৰ্মচাৰী নিহত হোৱা বুলি জানিব পৰা গৈছে ।উল্লেখ যে প্ৰকল্পটোত কৰ্মৰত কৰ্মচাৰীৰ ভাষ্য অনুসৰি অগ্নিকাণ্ডৰ পিছতে ইথানল সংৰক্ষণ টেংকত বিস্ফোৰণৰ শব্দ শুনিবলৈ পোৱা গৈছিল ।
অইল কৰ্পোৰেচনৰ এগৰাকী উচ্চ পদস্থ বিষয়াই জনোৱামতে , বিগত বুধবাৰে ইণ্ডিয়ান অইল কৰ্পোৰেচনৰ প্ৰকল্পত সংঘটিত হোৱা এই বিস্ফোৰণৰ ফলত এজন শ্ৰমিক নিহত হয় আৰু আন এজন শ্ৰমিক গুৰুতৰভাৱে আহত হয় বুলি জানিব পৰা গৈছে ।আনহাতে অগ্নিকাণ্ড হোৱাৰ কিছু সময় পাছতে অগ্নিনিৰ্বাপক বাহিনীয়ে জুই নিয়ণ্ত্ৰণ কৰিবলৈ সক্ষম হৈছিল।জানিব পৰা মতে ,৫খনকৈ অগ্নিনিৰ্বাপক বাহিনীৰ বাহনে জুই নুমুৱাই প্ৰকল্পত কৰ্মৰত কৰ্মচাৰীসকলক উদ্ধাৰ কৰিবলৈ সক্ষম হৈছিল ।আনহাতে উদ্ধাৰ কৰা কৰ্মচাৰীসকলক ততালিকে অইল কৰ্পোৰেচনৰ বিভাগীয় কৰ্তৃপক্ষৰ সহযোগত চিকিতসালয়ত ভৰ্তি কৰোৱা হৈছিল । অৱশ্যে এই ঘটনাটোৰ কাৰণ সন্দৰ্ভত এতিয়াও স্পষ্ট হোৱা নাই।