নিউজ ডেস্কঃ ঘোষিত হোৱা চি বি এছ ইৰ দ্বাদশ শ্ৰেণীৰ চুড়ান্ত পৰীক্ষাৰ ফলাফল। ফলাফলত উজলিল গোলাঘাট জিলাৰ নুমলীগড় দিল্লী পাব্লিক স্কুলৰ ছাত্ৰী হৰিদ্ৰা বৰা। কলা শাখাত ৯৯ .৪ শতাংশ নম্বৰ লাভেৰে উত্তৰ-পূৰ্বাঞ্চলৰ ভিতৰত শীৰ্ষ স্থান দখল কৰাৰ লগতে চতুৰ্থ স্থান দখল কৰি গোলাঘাট জিলালৈ গৌৰৱ কঢ়িয়াই আনে হৰিদ্ৰা বৰাই। হৰিদ্ৰাই মুঠ ৫০০ নম্বৰৰ ভিতৰত ৪৯৭ নম্বৰ লাভ কৰিবলৈ সক্ষম হয়। হৰিদ্ৰাই ইংৰাজী বিষয়ত ৯৮, ৰাজনীতিত ৯৯, সমাজতত্ত্বত ১০০, ভুগোলত ১০০, মনোবিজ্ঞানত ১০০ লাভ কৰে। উল্লেখযোগ্য যে হৰিদ্ৰাই ২০২০ চনত গোলাঘাট ছেক্ৰেত হাইস্কুল শিক্ষান্ত পৰীক্ষাত ৰাজ্যৰ ভিতৰত ষষ্ঠ স্থান দখল কৰিবলৈ সক্ষম হৈছিল।