লোকসভা নিৰ্বাচনৰ বাবে মনোনয়ন পত্ৰ দাখিলৰ প্ৰথম দিনাই যোৰহাটত নিজৰ শক্তি প্ৰদৰ্শন কৰিছে বিজেপিয়ে।যোৰহাটত বিজেপিৰ বিশাল বাইক ৰেলী দেখিবলৈ পোৱা যায়।বাইক ৰেলীৰ জৰিয়তে বিজেপিয়ে হুংকাৰ দিছে কংগ্ৰেছ দলৰ প্ৰাৰ্থী গৌৰৱ গগৈক। এই ৰেলীত অংশ লয় বিজেপিৰ বহু সাংসদ আৰু বিধায়কে।ইয়াৰোপৰি বিজেপি জিন্দাবাদ,তপন গগৈ জিন্দাবাদ ধ্বনিৰে কঁপাই তোলে যোৰহাটৰ ৰাস্তা-ঘাট।আনহাতে মন্ত্ৰী পীযুষ হাজৰিকাই সংবাদ মাধ্যমত মন্তব্য কৰে যে,যোৰহাট বিজেপিৰ প্ৰাৰ্থী তপন কুমাৰ গগৈ ডাঙৰীয়াই জয় লাভ কৰাটো নিশ্চিত।
ইয়াৰোপৰি মন্ত্ৰীগৰাকীয়ে কয় যে,ভাৰতীয় জনতা পাৰ্টিৰ প্ৰাৰ্থী সন্মানীয় গগৈ ডাঙৰীয়াৰ প্ৰতি জনগণে প্ৰদৰ্শন কৰা গভীৰ আস্থাত অতিশয় আপ্লত হ’লো।জনতাৰ আন্তৰিকতাপূৰ্ণ-স্বৰ্তস্ফূত সহযোগ আৰু আদৰৰ প্ৰতি মোৰ অশেষ কৃতজ্ঞতা যাচিলোঁ।এই বাইক ৰেলীত মোৰ সৈতে অংশ লয় সাংসদ তথা দলৰ ৰাজ্যিক সাধাৰণ সম্পাদক পল্লৱ লোচন দাস ডাঙৰীয়া,বিধায়ক ৰূপজ্যােতি কুৰ্মী ডাঙৰীয়া,ৰাজ্যিক উপ-সভাপতি ৰাণা গোস্বামী ডাঙৰীয়া,ভাৰতীয় জনতা যুৱ মৰ্চা,অসম প্ৰদেশৰ সভাপতি সিদ্ধাংকু অংকুৰ বৰুৱা,সাধাৰণ সম্পাদক ত্ৰিদিৱজ্যােতি মৰাণ সহিতে কাৰ্যকৰ্তা ৰাইজে অংশগ্ৰহণ কৰে।