দেশৰ ৰাজনীতিত তৃতীয় বাৰৰ প্ৰধানমন্ত্ৰীৰ দায়িত্ব লাভ কৰা নৰেন্দ্ৰ মোডীৰ নেতৃত্বত সফলতা লাভ কৰা বুলি ক’ব বিচাৰে গেৰুৱা শিবিৰে । কিয়নো পূৰ্বতকৈ তিনিগুণ বৰঙণি সংগ্ৰহ কৰিবলৈ সক্ষম হৈছে শাসিত দলটোৱে । ২০২৩-২৪ বৰ্ষত বিজেপি য়ে বিভিন্ন ব্যক্তি , ট্ৰাষ্ট আৰু কৰ্পৰেট গোষ্ঠীৰ পৰা ২,২৪৪ কোটি টকাৰ বৰঙণি লাভ কৰে । আনহাতে ২০২৩-২৪ বৰ্ষত কংগ্ৰেছে মাত্ৰ ২৮৮.৯ কোটি টকা বৰঙণি লাভ কৰিবলৈ সক্ষম হৈছে । তাৰ বিপৰীতে কে চন্দ্ৰশেখৰ ৰাও নেতৃত্বাধীন বি আৰএছ দলে ৫৮০ কোটি টকাৰ বৰঙণি লাভ কৰিছে । পূৰ্বৰ তথ্য অনুসৰি ২০২৩-২৪ বৰ্ষটোত বিজেপিয়ে লাভ কৰা বৰঙণি প্ৰায় এক-তৃতীয়াংশ আৰু কংগ্ৰেছৰ আধাতকৈ অধিক বৰঙণি আহিছিল প্ৰুডেন্ট ইলেক্টৰেল ট্ৰাষ্টৰ পৰা । উল্লেখ্য যে আয়োগৰ তথ্য অনুসৰি পূৰ্বৰ তুলনাত বিজেপিৰ বৰঙণি ২১২ শতাংশলৈ বৃদ্ধি পাইছে ।