প্ৰাঞ্জল প্ৰতিম ডেকাৰ প্ৰতিবেদন
৩০জুলাই,গুৱাহাটী: Colors টিভিৰ ধাৰাবাহিকত অতি শীঘ্ৰেই জিলিকিব অসমৰ জীয়ৰী সুৰভি দাস । কালাৰ্ছ ছেনেলৰ কৰ্তৃপক্ষই সদৰী কৰে এই কথা । অসম কন্যা সুৰভি দাসে ভাৰতবৰ্ষৰ উত্তৰ-পূব অঞ্চলৰ যুৱতীৰ কাহিনীৰ ওপৰত আধাৰিত এখন ধাৰাবাহিকত অভিনয় কৰিব। ধাৰাবাহিক খনৰ নাম হৈছে – ‘নিমা ডেনজংপা’। সুৰভি দাস হৈছে অসমৰ এগৰাকী উদীয়মান অভিনেত্ৰী। অসমীয়া ধাৰাবাহিক “পৰিণীতা”ত অভিনয় কৰি জনপ্ৰিয় হৈছিল এইগৰাকী সুৰভি দাস । সুখবৰটি পাই সুৰভিয়ে নিজৰ মনৰ কথা ইনষ্টাগ্ৰামৰ যোগেদি এনেদৰে ব্যক্ত কৰে যে:- “সপোন বোৰ দেখিছিলো.. কেতিয়াবা সঁচা হ’ব বুলি , কিন্তু এনেকৈ যে ভগৱানে উপহাৰ দিব ভবাই নাছিলোঁ। শুনিছিলো কিবা এটা বস্তু মনৰ পৰা বিচাৰিলে তাক পোৱা যায় আজি অনুভৱ কৰিছো ।”
অসম কন্যাগৰাকীৰ এই সুখ্যাতিত বিভিন্নজনে শুভকামনা জনোৱাৰ লগতে উছাহৰ ঢল বৈছে ৰাজ্যৰ প্ৰান্তে-প্ৰান্তে ।