সুস্মিতা বৰা
ৰাজনীতিৰ মঞ্চখনত সকলোকে ভাগ কৰে যদিও খেল ধেমালিৰ মজিয়া খনত কিন্তু সকলোকে এক কৰে । সেয়েহে মুখ্যমন্ত্ৰীৰ নেতৃত্বত সকলো দলৰে নেতা এক হৈ অসমৰ গোলাঘাটৰ সৰুপথাৰৰ জীয়ৰী লাভলীনাৰ বিজয় কামনাৰে এটা চাইকেল ৰেলী সম্পন্ন কৰা হয় ।
ক্ৰীড়াৰ ইতিহাসত অলিম্পিকত দেশক প্ৰতিনিধিত্ব কৰা অসমৰ প্ৰথমগৰাকী মহিলা এথলিট্ লাভলীনা বুঢ়াগোহাঁইক উৎসাহিত কৰিবৰ বাবে শাসক বিৰোধী সকলোৱে নিজ নিজ ৰাজনৈতিক পৰিচয় এৰি মিলিত হয় । গোলাঘাটৰ জিলাৰ সৰুপথাৰৰ ভিতৰুৱা অঞ্চলৰ পৰা ওলাই আহি ক্ৰীড়া জগতত সুকীয়া স্থান দখল কৰিবলৈ সক্ষম হোৱা অসমৰ গৌৰৱ লাভলীনাক মুখ্যমন্ত্ৰী শৰ্মাই শুভেচ্ছা জনোৱাৰ লগতে, খেলুৱৈগৰাকীয়ে বক্সিং ৰিঙত উচ্চ মানৰ প্ৰদৰ্শনেৰে দেশলৈ গৌৰৱ কঢ়িয়াই আনিব বুলিও আশা প্ৰকাশ কৰে ।