গুৱাহাটী, ৮ জানুৱাৰীঃ চানমাৰিস্থিত অসম অভিযান্ত্ৰিক প্ৰতিষ্ঠান খেলপথাৰত অনুষ্ঠিত হৈ থকা অসম গ্ৰন্থমেলাত কলকাতাৰ প্ৰকাশৰ পৰা অহা দ্যা চেভেন চিষ্টাৰ্ছ পাব্লিকেশ্যনৰ বিপনীত আজি তলা লগাই দিয়ে অসম গ্ৰন্থমেলাৰ উদ্যোক্তাই। উল্লেখযোগ্য যে, কলিকাতাৰ প্ৰকাশন প্ৰতিষ্ঠানটোৱে অন্য প্ৰকাশন গোষ্ঠীৰ গ্ৰন্থ নিজৰ নামত
ছপাই বিক্ৰী কৰাৰ গুৰুতৰ অভিযোগ উত্থাপিত হয়।প্ৰকাশক গোষ্ঠীৰ বিৰুদ্ধে উত্থাপিত এই অভিযোগ সত্য বুলি প্ৰমাণিত হোৱাৰ পাছতে প্ৰকাশন গোষ্ঠীটোৰ বিপনীত তলা লগাই দিয়ে অসম গ্ৰন্থমেলাৰ কৰ্তৃপক্ষই। অসম গ্ৰন্থমেলাত এতিয়ালৈ চাৰে তিনি কোটিৰো অধিক টকাৰ গ্ৰন্থ বিক্ৰী হয় বুলি গ্ৰন্থমেলা উদ্যোক্তা সমিতিয়ে সদৰী কৰে।