গুৱাহাটী,১৭ আগষ্টঃ ২২ আগষ্ট সোমবাৰে বিশ্ব লোক সংস্কৃতি দিৱস উপলক্ষে গুৱাহাটী বিশ্ববিদ্যালয়ত স্থাপিত লোক সংস্কৃতি গৱেষণা বিভাগৰ ৫০ বৰ্ষ পূৰ্তি অৰ্থাৎ সোণালী জয়ন্তী উপলক্ষে অসম ভিত্তিত উত্তৰ পূৱ- ভাৰতৰ লোক সংস্কৃতি বিষয়ক গুৱাহাটী বিশ্ববিদ্যালয়ৰ ফণীধৰ দত্ত ভৱনত অনুষ্ঠিত হবলগীয়া এই প্ৰতিযোগিতাখনত স্নাতক পৰ্যায়ৰ পৰা পি.এইচ.ডি গৱেষণাত ছাত্ৰ ছাত্ৰীয়ে কৰিব পাৰিব অংশগ্ৰহণ ৷ এই কুইজ প্ৰতিযোগিতাখনত পৰিচালক দীপাংকৰ কৌশিকৰ পৰিচালনাত অনুষ্ঠিত হ’ব লগীয়া প্ৰতিযোগিতাখনত তিনিটা বিজয়ী দললৈ ট্ৰফী, প্ৰমাণ পত্ৰ লগতে ১০,০০০ ,৭,৫০০,৫০০০ টকাৰ নগদ ধন পুৰস্কাৰ হিচাপে বিজয়ী দলসমূহলৈ প্ৰেৰণ কৰা হ’ব ৷
উল্লেখ্য যে , কুইজ প্ৰতিযোগিতাখনৰ পঞ্জীয়নৰ সময় ৰাতিপুৱা ৯ বজাৰ পৰা আৰম্ভ হৈ ৯:৩০ মিনিটলৈ সময় নিৰ্ধাৰিত কৰাৰ পিছত দহ বজাৰ পৰা আৰম্ভ কৰিব কুইজ প্ৰতিযোগিখন ৷প্ৰতিযোগিতাৰ নিয়ম অনুসৰি দল এটাত দুজনকৈ প্ৰতিযোগী থাকিব লগতে পঞ্জীয়নৰ সময়ত দলৰ দুয়োগৰাকী প্ৰতিযোগীয়ে নিজৰ নিজৰ পৰিচয় পত্ৰ দিব লাগিব ৷ এই প্ৰতিযোগিতাখনৰ লগত জড়িত যিকোনো ধৰণৰ বাবে ৯৬১৩৬১৪৭৬৮,৮১৩৫০৩৩৮৬১,৭০০২৬৮৩২৬৯ আৰু ৯০৮৫০৬৭৯৮৫ নম্বৰকেইটাত বিভাগটোৰ তৰফৰ পৰা যোগাযোগ কৰিব পাৰিব বুলি উল্লেখ কৰিছে ৷