কাজিৰঙাৰ পথচাৰিৰ বাবে বিশেষ আকৰ্ষণ হৈ পৰিছে বিশেষ প্ৰজাতিৰ বান্দৰ এবিধ । কাজিৰঙাৰ ৩৭ নং ৰাষ্টীয় ঘাইপথেৰে যাত্ৰা কৰোতে হালধীবাৰী ,কাঞ্চনজুৰি আৰু পানবাৰী অঞ্চলত দেখা পোৱা যায় এই বিশেষ প্ৰজাতিৰ বান্দৰক ।এই প্ৰজাতিৰ বান্দৰ বিধৰ দেহৰ আকৃতি অন্য বান্দৰতকৈ কিছু পৃথক । সৰ্ব শৰীৰ দীঘল দীঘল নোমেৰে আৱৰি থকাৰ লগতে মুখমণ্ডলত নোমবোৰ হৈ থাকে টুপি আকৃতিৰ । সেয়েহে এই প্ৰজাতিৰ বান্দৰক কেপ লেংণ্ডৰ বা টুপি মুৰীয়া বান্দৰ হিচাপে জনা যায় ।
এই টুপি আকৃতিৰ বান্দৰ বিধৰ সামাজিক ভাবে বিচৰণ কৰা থলি হৈছে মানস ৰাষ্ট্ৰীয় উদ্যান ,গিবন অভয়াৰণ্য লগতে কাজিৰঙাৰ ৰাষ্ট্ৰীয় ঘাইপথৰ গছসমুহতো বগাই থকা দেখা যায় টুপি মুৰীয়া বান্দৰসমুহক । এই বিশেষ প্ৰজাতিৰ বান্দৰবিধ এতিয়া সকলো পৰ্যটককাৰীৰে দৃষ্টি আৰ্কষণৰ কেন্দ্ৰ বিন্দু হৈ পৰিছে । কিয়নো গছৰ ডালে ডালে বগাই খাদ্য খোৱা ,জিৰণি লোৱা বা এটাই আনটোৰ সৈতে ধেমালি কৰা আদি দৃশ্য প্ৰত্যক্ষ দৰ্শীৰ বাবে হৈ পৰিছে আৰ্কষণীয় ।