নিউজ ডেস্কঃ আজি প্ৰধানমন্ত্ৰী নৰেন্দ্ৰ মোডীয়ে উদ্বোধন কৰিব ‘অটল দলং’। এই দলংখন গুজৰাটৰ সবৰমতী নদীত পথচাৰী সকলৰ বাবে নিৰ্মাণ কৰা হৈছে। উল্লেখ্য যে দলংখনৰ নাম প্ৰাক্তন প্ৰধানমন্ত্ৰী অটল বিহাৰী বাজপেয়ীৰ নামেৰে ৰখা হৈছে।দলংখন প্ৰায় ১৪ মিটাৰ বহল আৰু ৩০০ মিটাৰ দীঘল। এই দলংখন আহমেদাবাদ পৌৰ নিগমে নিৰ্মাণ কৰিছে।
উল্লেখ্য যে দুদিনীয়া ভ্ৰমণ কাৰ্যসূচীৰে আজি ৰাজ্যত উপস্থিত হ’ব প্ৰধানমন্ত্ৰী মোডী। ভ্ৰমণৰ প্ৰথমদিনা প্ৰধানমন্ত্ৰী মোডীয়ে সন্ধিয়া সবৰমতী নদীৰ সন্মুখত খাদী উৎসৱ অনুষ্ঠানত এক সমাৱেশক সম্বোধন কৰিব।