জম্মদিন উপলক্ষে অসমত উপস্থিত বলিউড তাৰকা তথা জনপ্ৰিয় অভিনেত্ৰী শ্ৰীলংকাৰ জেকলিন ফাৰ্ণাণ্ডেজ ।জন্মদিন উপলক্ষে শক্তিপীঠ মা কামাখ্যা ধামত পূজা আগবঢ়াই দেৱী মাৰ আশীৰ্বাদ লয় মোহময়ী অভিনেত্ৰীগৰাকীয়ে । কটকটীয়া নিৰাপত্তা বেষ্টনীৰ মাজেৰে কামাখ্যা দৰ্শন কৰাৰ লগতে যজ্ঞতো অংশগ্ৰহণ কৰে জনপ্ৰিয় অভিনেত্ৰী জেকলিন ফাৰ্ণাণ্ডেজে । বলিউডৰ অভিনেত্ৰীগৰাকী গুৱাহাটীত এনেদৰে উপস্থিত হোৱাত অনুৰাগীসকলৰ মন উৎসুকতাৰে ভৰি পৰে ।নীলাচলত অভিনেত্ৰীগৰাকীক চাবলৈ ভিৰ কৰে অনুৰাগীসকলে ।
প্ৰথমবাৰৰ বাবে অসমলৈ আহি অভিভূত হ’ল অভিনেত্ৰীগৰাকী । সাংবাদিকৰ আগত মনোভাৱ ব্যক্ত কৰি কয় যে-“বহুত বহুত ভাল লাগিলে , বহুত বহুত ধন্যবাদ ,প্ৰথমবাৰৰ বাবে আহিছো । বহুত ধুনীয়া , সুন্দৰ ঠাই, আশীৰ্বাদপূৰ্ণ” ।এনেদৰে প্ৰথমবাৰৰ বাবে অসমলৈ আহি মা কামাখ্যা দৰ্শন কৰি উৎফুল্লিত হৈ পৰে জনপ্ৰিয় অভিনেত্ৰীগৰাকী ।একেদৰে অভিনেত্ৰীগৰাকীক দেখি উৎফুল্লিত হৈ পৰে অনুৰাগীসকলো ।