নিউজ ডেস্ক, ১০ মাৰ্চঃ আজিৰ উত্তৰ প্ৰদেশসহ পাঁচখন ৰাজ্যৰ লগতে অসমৰ মাজুলীৰো উপ-নিৰ্বাচনৰ ভোটগণনা চলি আছে। ৰাতিপুৱাৰ পৰা চলি থকা ভোটগণনাত বিজেপিৰ প্ৰাৰ্থী ভূবন গামে চিত্তৰঞ্জন বসুমতাৰীতকৈ প্ৰায় ১৬,৮৩৩ টা ভোটত আগবাঢ়ি আছে।
নিৰ্বাচন আয়োগৰ শেহতীয়া তথ্য অনুসৰি ভূবন গামে এতিয়ালৈকে ২৭,০০৬ টা ভোট আৰু চিত্তৰঞ্জন বসুমতাৰীয়ে ১০,১৭৩ টা ভোট লাভ কৰিছে।
উল্লেখ্য যে যোৱা বছৰ সম্প্ৰসাৰিত হোৱা মোদী কেবিনেটত অসমৰ প্ৰাক্তন মুখ্যমন্ত্ৰী সৰ্বানন্দ সোণোৱালে স্থান লাভ কৰাৰ পিছৰে পৰা মাজুলী আসনখন খালী হৈ আছিল। মাজুলীৰ উপ-নিৰ্বাচনত ভূবন গামে সেই স্থান লাভ কৰিলে।