শোভাশ্ৰী বাৰিক,৯অক্টোবৰঃঝাৰখন্ডত চলি থকা ৪০ সংখ্যক ৰাষ্ট্ৰীয় আৰ্চাৰী চেম্পিয়নশ্বীপত দুৰ্দান্ত প্ৰদৰ্শন আগবঢাইছে তাৰকা আৰ্চাৰ অৰ্জুন জয়ন্ত তালুকদাৰে।দেশৰ সন্মানীয় প্ৰতিযোগিতাখনৰ প্ৰাৰম্ভিক ৰাউন্ডৰ খেলত প্ৰথম স্থান লাভ কৰে জয়ন্ত তালুকদাৰে।ভাৰতবৰ্ষৰ শতাধিক আৰ্চাৰৰ ভিতৰত শীৰ্ষৰ এক নম্বৰ স্থান লাভ কৰিবলৈ সক্ষম হয় জয়ন্ত তালুকদাৰে।
২০১২ চনৰ লন্ডন অলিম্পিয়ান জয়ন্ত তালুকদাৰে দীৰ্ঘ সময়ৰ মুৰত চমক দিবলৈ সক্ষম হৈছে ।পূৰ্বতে নতুন দীল্লীৰ কমনৱেলথ গেমছত দুটাকৈ পদক অৰ্জন কৰা জয়ন্ত তানুকদাৰে দুবাৰকৈ বিশ্বকাপ আৰ্চাৰীত চেম্পিয়ন হবলৈ সক্ষম হৈছিল।