ভাৰতৰ প্ৰথমগৰাকী প্ৰধানমন্ত্ৰী পণ্ডিত জৱাহৰলাল নেহৰুৰ কেতবোৰ গুৰুত্বপূৰ্ণ ব্যক্তিগত পত্ৰ গান্ধী পৰিয়ালৰ বাসগৃহত সংৰক্ষিত হৈ আছে। কেন্দ্ৰই এতিয়া এই পত্ৰসমূহ ঘূৰাই বিচাৰিছে। নেহৰুৰ পত্ৰসমূহ বিচাৰি প্ৰধানমন্ত্ৰী সংগ্ৰহশালা আৰু পুস্তকালয়ে কংগ্ৰেছ নেতা তথা জৱাহৰলাল নেহৰুৰ বংশধৰ ৰাহুল গান্ধীলৈ পত্ৰ প্ৰেৰণ কৰিছে। অনতিপলমে নেহৰুৰ পত্ৰসমূহ ঘূৰাই দিবলৈ আহ্বান ৰাহুল গান্ধীক।
এই পত্ৰসমূহ ১৯৭১ চনত নেহৰু স্মাৰক সংগ্ৰহালয় আৰু পুথিভঁৰালত জমা দিয়া হৈছিল।তেতিয়াৰে পৰা তাতে সংৰক্ষিত হৈ আছিল যদিও ইউ পি এ চৰকাৰৰ আমোলত ছোনিয়া গান্ধীয়ে নিজ ঘৰলৈ লৈ আহিছিল পত্ৰসমূহ।ড০ মনমোহন সিংৰ প্ৰধানমন্ত্ৰিত্বৰ কালত ৫১টা কাৰ্টনত ভৰাই পত্ৰসমূহ ছোনিয়া গান্ধীৰ বাসগৃহলৈ পঠিয়াই দিয়া হৈছিল। প্ৰধানমন্ত্ৰী সংগ্ৰহালয়ে কয় যে এই পত্ৰসমূহ চৰকাৰৰ সম্পদ সেয়েহে ব্যাক্তিগত সংগ্ৰহলৈ নিব পৰা নাযায়।ছেপ্টেম্বৰত ছোনিয়া গান্ধীৰ সন্দৰ্ভত পত্ৰ প্ৰেৰণ কৰিছিল।কিন্ত কোনোধৰনৰ সঁহাৰি নোপোৱাত প্ৰধানমন্ত্ৰী সংগ্ৰহালয় সদস্য তথা ইতিহাসবিদ ৰিজৱান কাদৰীয়ে ১০ ডিচেম্বৰত ৰাহুল গান্ধীক এই পত্ৰসমূহ ঘূৰাই আনিবৰ বাবে সহায় বিচাৰিলে।নেহৰুৰ পত্ৰ সমূহত এডবিনা মাউন্টবেটেন, বাবু জগজীৱন ৰাম, এলবাৰ্ট আইনষ্টাইন,জয়প্ৰকাশ নাৰায়ন,পদ্মজা নাইডু, বিজয়লক্ষ্মী পণ্ডিত, অৰুণা আছফৱ আলী,গোবিন্দ বল্লভ পণ্ট আদিৰ দৰে যশস্বী ব্যক্তিৰে নেহেৰুৰ মত বিনিময় সন্নিবিষ্ট আছে।নেহেৰু আৰু লেডী মাউন্টবেটেন,জগজীৱন ৰাম আৰু জয়প্ৰকাশ নাৰায়নৰ মাজত বিনিময় হোৱা কিছুসংখ্যক পত্ৰ ২০০৮ চনত এম ভি ৰাজনে সংগ্ৰহালয়ৰ পৰা আঁতৰাই ইউ পি এৰ অধ্যক্ষ ছোনিয়া গান্ধীৰ বাসগৃহলৈ ৫১ টা কাৰ্টনত প্ৰেৰণ কৰিছিল।এই বিষয়ত জানিবলৈ বিচৰাত সাংস্কৃতিক মন্ত্ৰী গজেন্দ্ৰ সিং শ্বেখাৱটে কয় যে ইয়াৰ ব্যৱস্থা লোৱা হৈছে।ছোনিয়া গান্ধীয়ে নেহেৰুৰ পত্ৰসমূহ সংগ্ৰহালয়ত ঘূৰাই দিয়া উচিত বুলি তেঁওলৈ পত্ৰ প্ৰেৰণ কৰাৰ কথা জনায় শ্বেখাৱটে।