গুৱাহাটী,১০জানুৱাৰীঃ দেৰগাঁৱৰ নৰেন শৰ্মা স্মৃতিপথাৰত যোৱানিশা অনুষ্ঠিত হোৱা এক সাংস্কৃতিক অনুষ্ঠানত জুবিন গাৰ্গে অনুষ্ঠান পৰিৱেশন কৰি থকা সময়তে একাংশ উদণ্ড যুৱ দৰ্শকে এক অপ্ৰীতিকৰ পৰিষ্হিতিৰ সৃষ্টি কৰে । জুবিনৰ গীতৰ তালে তালে একাংশই নৃত্য আৰম্ভ কৰি উ९কট চিঞৰ আৰু নৃত্য চলি থকাৰ মাজতে এচাম উদণ্ড দৰ্শকে দৰ্শকৰ বাবে থকা চকিবোৰ মৰিয়াই মৰিয়াই ভাঙিবলৈ আৰম্ভ কৰে । আৰক্ষী আৰু চি আৰ পি থকা অনুষ্ঠানত উচ্ছৃংখলতা আৰু কাজিয়াৰ মাজতে শিল্পী জুবিন গাৰ্গেও যুৱকসকলক সংঘত হবলৈ আহ্বান জনায় । অৱেশ্যে, ইয়াৰ পূৰ্বে স্বভাৱসুলভ ভংগিমাৰে জুবিনে কয়, কাজিয়া কৰিব লাগে, ময়ো কৰুছিলোঁ কিন্তু দৰকাৰী কথাত । উল্লেখ্য যে নৃত্যঞ্জলি কলাকেন্দ্ৰৰ উদ্যোগত দেৰগাঁৱৰ ঐতিহাসিক নৰেন শৰ্মা ষ্মৃতি পথাৰত ৪ জানুৱাৰীৰ পৰা অনুষ্ঠিত সাংষ্কৃতিক অনুষ্ঠানত গীত পৰিৱেশন কৰিছিল জুবিন গাৰ্গে । অনুষ্ঠানত জনসমুদ্ৰত ৰুপান্তৰিত হয় নৰেন শৰ্মা স্মৃতিপথাৰত বাকৰিত । অনুষ্ঠান চলি থকাৰ মাজতে উদণ্ড দৰ্শকে সৃষ্টি কৰে এই তাণ্ডৱ । এফালৰ পৰা চকী ভাঙি এক অভাৱনীয় পৰিৱেশৰ সৃষ্টি কৰে নিচাসক্তসকলে । উদণ্ড দলটোৱে অনুষ্ঠানৰ চকী ভঙি চুৰমাৰ কৰে ।