গুৱাহাটী, ১২ ডিচেম্বৰঃ অসম কবি সমাজৰ উদ্যোগত আৰু কটন বিশ্ববিদ্যালয়ৰ সহযোগত তৰুণ কবি সমাৰোহ অনুষ্ঠিত হয় অসম অভিযান্ত্ৰিক প্ৰতিষ্ঠানৰ খেলপথাৰ প্রাঙ্গণত।অসম কবি সমাজৰ সদস্যই কবি সমাৰোহৰ শুভ আৰম্ভনি কৰে অসম সংগীতেৰে । কবি সমাৰোহৰ মঞ্চ উদ্বোধন কৰে বিশিষ্ট কবি সমীৰ তাঁতীয়ে লগতে কবি সমাৰোহৰ অনুষ্ঠানখনত ”অভিজ্ঞান অনুৰাগ” শীৰ্ষ এক পৰ্যালোচনা অনুষ্ঠিত হয় ।
কবি সমাৰোহৰ মঞ্চত উপস্থিত থাকে অসম কবি সমাজৰ সভাপতি ৰাজীব কুমাৰ ফুকন আৰু কটন বিশ্ববিদ্যালয়ৰ নবীনৰ সভাপতি ড০ ধ্ৰুৱজ্যোতি দাসৰ লগতে সম্পাদক নীৰৱ হাজৰিকা, উপদেষ্টা ৰাজেন্দ্ৰ নাথ বৰদলৈ, বিশিষ্ট কবি লুটফা হানুন চেলিমা বেগম।বৰ্ণালী বৰা বৈশ্যই আঁত ধৰা কবি সমাৰোহত উপস্থিত থাকে শতাধিক কবিতা প্ৰেমী ৰাইজ।বহু কেইজন জেষ্ঠ কবি সাহিত্যিকে কবিতা পাঠ কৰি উপস্থিত ৰাইজক মনমুগ্ধ কৰে।