সোমবাৰে নিশা নগাঁও চহৰৰ আমোলাপত্টিৰ প্ৰজ্ঞান দুৱৰা নামৰ লোকজনৰ ঘৰত চোৰে লুট পাট চলায়।জানিব পৰামতে দুৱৰাৰ ঘৰৰ চৌহদৰ বেৰ ভাঙি প্ৰথম মহলাত উঠি খিড়িকী খুলি কোঠাৰ ভিতৰৰ প্ৰৱেশ কৰি সা-সম্পত্তি লুটি নিয়ে।
চোৰৰ দলটোৱে দুৱৰাৰ ঘৰৰ ভিতৰত প্ৰৱেশ কৰি আলমিৰা ভাঙি সোণ,ৰূপৰ মূল্যবান সম্পত্তি লুটি নিয়ে।চাৰিজনীয়া এটি দল প্ৰৱেশ কৰি এই দুষ্কাৰ্য সংঘটিত কৰা সমগ্ৰ ঘটনা চি চি টি ভি কেমেৰাত বন্দী হৈছে।আৰক্ষীয়ে সমগ্ৰ ঘটনাৰ সন্দৰ্ভত তদন্ত আৰম্ভ কৰিছে বুলি জানিব পৰা গৈছে।